იერუსალიმის საპატრიარქო გმობს დასავლეთის სანქციებს პატრიარქ კირილის მიმართ

18 ივნისს, იერუსალიმის მართლმადიდებლური ეკლესიის იერარქმა, სებასტელმა მთავარეპისკოპოსმა თეოდოსმა, ბრიტანელ ჟურნალისტებთან - სხვადასხვა მედიის წარმომადგენლებთან შეხვედრისას, მხარი დაუჭირა პატრიარქ კირილს და უარყოფითად ისაუბრა დასავლეთის ქვეყნების მცდელობაზე სანქციების დაწესების შესახებ რუსეთის მართმადიდებლური ეკლესიის მეთაურის წინააღმდეგ უკრაინაში სამხედრო ოპერაციასთან დაკავშირებით პოზიციის გამო, იუწყება romfea.gr.

„ჩვენ კატეგორიულად ვეწინააღმდეგებით ყველა პროვოკაციას, რომელსაც ახორციელებს ზოგიერთი დასავლური ძალები მოსკოვისა და სრულიად რუსეთის უწმინდესის პატრიარქ კირილის წინააღმდეგ. ჩვენ არ შეგვიძლია ჩუმად შევხედოთ ამ ტიპის თავდასხმებს და არ მივიჩნიოთ ისინი უკანონო, შეუფერებელ ქმედებებად ასეთი მაღალი დონის რელიგიური პიროვნების მიმართ, რომელიც თანამედროვე მართლმადიდებლობის ნამდვილი სულიერი სიმბოლოა“, - განაცხადა მეუფე თეოდოსიმ. მან გაიხსენა, რომ პატრიარქი კირილი არ არის პოლიტიკური კონფლიქტის მხარე და როგორც მშვიდობიანი ადამიანი, ყოველთვის დიალოგის მომხრეა. იერარქმა ხაზგასმით აღნიშნა, რომ იერუსალიმის მართლმადიდებელი ეკლესია, თავისი მორალური და რელიგიური მრწამსიდან გამომდინარე, უარყოფს ყველა სახის ომს, ძალადობის ნებისმიერ გამოვლინებას მსოფლიოს ნებისმიერ რეგიონში.

„პატრიარქ კირილის მიმართ ბრალდებები ცრუ და უსაფუძვლოა. კიდევ ერთხელ მინდა ხაზგასმით აღვნიშნო, რომ მისი უწმინდესობა ყოველთვის მოუწოდებდა მხარეებს შერიგებისკენ, უარი თქვან ომებსა და ძალადობაზე“, - განაცხადა მთავარეპისკოპოსმა თეოდოსიმ. მან მოუწოდა დასავლეთში ყველას, ვინც უწმიდესი პატრიარქის კირილის წინააღმდეგ წაქეზებით არის დაკავებული, „უარყოს აგრესიული პოზიცია არა მხოლოდ უწმინდესის, არამედ მთელი მართლმადიდებლური ეკლესიის წინააღმდეგ“.

„ჩვენ ლოცვით მხარდაჭერას ვუცხადებთ რუსეთის მართლმადიდებლურ ეკლესიას და მის წინამძღვარს, პატრიარქ კირილს. ღმერთს ვთხოვთ შეწყვიტოს ომი უკრაინაში, ყველა პოლიტიკური უთანხმოების მოგვარების შესაძლებლობა დიალოგისა და გააზრებული გადაწყვეტილებების მიღების გზით“, - განაცხადა მთავარეპისკოპოსმა.

„რუსეთის მართლმადიდებლური ეკლესიის მეთაურის მიმართ პროვოკაციებს ჩვენ მიერ აღიქმება, როგორც მტრული ქმედება დასავლეთის მხრიდან მთელი მართლმადიდებლური ეკლესიის წინააღმდეგ. კიდევ ერთხელ მინდა გამოვხატო ღრმა სოლიდარობის გრძნობა რუსეთის ეკლესიის მიმართ და დარწმუნებული ვარ, რომ ეს ბრალდებები, რომლებიც უსაფუძვლო არ არის, გავლენას არ მოახდენს რუსეთის მართლმადიდებლური ეკლესიის, მისი მეთაურის, სასულიერო პირებისა და მორწმუნეების ცხოვრებაზე“, - აღნიშნა ვლადიკამ. მან გაიხსენა, რომ პატრიარქი კირილი არის 100 მილიონზე მეტი მორწმუნის წინამძღვარი არა მხოლოდ რუსეთიდან და უკრაინიდან, არამედ მსოფლიოს მრავალი სხვა ქვეყნიდან და „სიყვარულის, მშვიდობისა და წყალობის შესახებ ქადაგებს, ომის ორივე მხარეს შერიგებისკენ მოუწოდებს ყოველთვის. მისგანგან გაიჟღერა ძალადობისა და ტერორიზმის ყოველგვარი ფორმის უარყოფისკენ მოწოდებამ“.

როგორც მჟკ-მ ადრე გვაუწყა, დიდმა ბრიტანეთმა პატრიარქ კირილს სანქციები დაუწესა.