ევროკავშირს პატრიარქი კირილისთვის სანქციები არ დაუწესებია

პატრიარქ კირილის სახელი ევროკავშირის სანქციების სიაში არ მოხვდა, რომელიც სანქციების მომდევნო პაკეტშია წარმოდგენილი. ამის შესახებ Bloomberg იტყობინება.

სააგენტოს ცნობით, რუსეთის მართლმადიდებლური ეკლესიის მეთაურის წინააღმდეგ სანქციების დაწესების იდეას უნგრეთმა მხარი არ დაუჭირა, რამაც წარმოუდგენლად გააბრაზა მისი „კოლეგები“ ევროკავშირში.

შეგახსენებთ, რომ უნგრეთის მთავრობის მეთაურმა ვიქტორ ორბანმა განაცხადა, რომ არ დაუშვებს რუსეთის მართლმადიდებელი ეკლესიის წინამძღვრის ევროკავშირის სანქციების სიაში შეყვანას.

მანამდე მჟკ-მ გაავრცელა ინფორმაცია, რომ უკრაინის უმაღლესმა რადამ მიმართა ეროვნული უსაფრთხოებისა და თავდაცვის საბჭოს პატრიარქ კირილისა და რუსეთის მართლმადიდებლური ეკლესიის კიდევ რამდენიმე იერარქისა და მღვდელმსახურის წინააღმდეგ სანქციების დაწესების მოთხოვნით.