გარდაიცვალა მიტროპოლიტი ილარიონი

2022 წლის 16 მაისს, ხანგრძლივი ავადმყოფობის შემდეგ, გარდაიცვალა აღმოსავლეთ ამერიკისა და ნიუ-იორკის მიტროპოლიტი ილარიონი, რმეს-ს (რუსეთის მართმადიდებლური ეკლესია საზღვარგარეთ) პირველი იერარქი. ამის შესახებ რმეს-ს ოფიციალური ვებგვერდი იტყობინება.

„რმეს-ის ხელმძღვანელი ნიუ-იორკის ერთ-ერთ საავადმყოფოში გარდაიცვალა. მანჰეტენის ეპისკოპოსმა ნიკოლოზმა, აღმოსავლეთ ამერიკის ეპარქიის ვიკარმა, გარდაცვლილი პირველი იერარქის სარეცელთან აღავლინა „კანონი სულის სხეულიდან გამოსვლის შესახებ“. მის უწმინდესობას ემსახურებოდნენ დეკანოზი სერაფიმე განი და იეროდიაკონი პანტელეიმონ (ჟიგალინი)“, - ნათქვამია წერილში.

მიტროპოლიტი ილარიონი (ერისკაცობაში იგორ კაპრალი) დაიბადა 1948 წელს კანადაში. 1967 წელს ჩაირიცხა ჯორდანვილში (აშშ) წმინდა სამების სასულიერო სემინარიაში. 1984 წლის 10 დეკემბერს იერომონაზონი ილარიონი ხელდასხმულ იქნა მანჰეტენის ეპისკოპოსად. რმეს-ის ეპისკოპოსთა საბჭომ დაამტკიცა ვლადიკა რმეს-ის ეპისკოპოსთა სინოდის მდივნის მოადგილედ.

1996 წლის 20 ივნისს მიტროპოლიტი ილარიონი დაინიშნა სიდნეის, ავსტრალიისა და ახალი ზელანდიის საყდარში არქიეპისკოპოსის წოდებით. 2008 წლის მარტში რმეს-ის პირველი იერარქის მიტროპოლიტ ლაურუსის გარდაცვალების შემდეგ, იგი მსახურობდა რმეს-ის ეპისკოპოსთა სინოდის თავმჯდომარის მოვალეობის შემსრულებლად. 2008 წლის 13 მაისს რმეს-ის ეპისკოპოსთა საბჭოზე აირჩიეს ეპისკოპოსთა სინოდის თავმჯდომარედ.

მანამდე მჟკ-მ გაავრცელა ინფორმაცია, რომ მიტროპოლიტმა ილარიონმა (კაპრალი) დაგმო უკრაინაში განხეთქილება და ფანარის ქმედებები მეუ-ს "ლეგალიზაციასთან" დაკავშირებით.