იმისთვის, რომ სულიერად არ დაეცე, უნდა ებრძოლო ცოდვას, - უმე-ის წინამძღოლი

უკრაინის მართლმადიდებელი ეკლესიის წინამძღვარმა, კიევისა და სრულიად უკრაინის მიტროპოლიტმა ონუფრიმ დიდი მარხვის მეორე კვირას ქადაგებისას განაცხადა, რომ ცოდვა არის დაავადება, რომელთან ბრძოლის გარეშეც სულიერი სიკვდილი მოვა, იუწყება უმე-ს სინოდის საინფორმაციო-საგანმანათლებლო დეპარტამენტი.

უმე-ის წინამძღვარმა განმარტა, რომ ყველა ადამიანმა უნდა ებრძოლოს ცოდვას, რადგან ის წამლავს მთელ სიცოცხლეს. „ცოდვა სულიერი სნეულებაა, ეს არის წყლული, ჩირქოვანი ჭრილობა, რომელიც ხვდება ადამიანს და სიცოცხლეს წამლავს“, - თქვა უნეტარესმა ონუფრიმ. „თუ ჩვენ არ ვეწინააღმდეგებით ცოდვას, მაშინ სულიერად მკვდრები ვართ, ვერ ვხედავთ ღვთაებრივ შუქს, რომელიც ყოველთვის ჩვენთანაა“.

ცოდვასთან ბრძოლის მაგალითად წინამძღვარმა მიუთითა კიევის გამოქვაბულების ღირსი მამები, რომლებიც მარხულობდნენ, ლოცულობდნენ და აკეთებდნენ კეთილ საქმეებს. „ცოდვასთან საბრძოლველად უფალმა მოგვცა მარხვა და ლოცვა. მარხვა არის, როცა ადამიანი თავს იკავებს ბევრის ჭამისგან, ბოროტი აზრებისგან, ბოროტი საქმეებისგან, ლოცვა არის, როცა ადამიანი ღმერთს შენდობას სთხოვს და ევედრება, რომ უფალმა მიუტევოს ცოდვები დედამიწაზე მცხოვრებ ყველა ადამიანს“, - დაასკვნა უნეტარესმა. 

როგორც მჟკ იტყობინება, მისმა უნეტარესმა მიტროპოლიტმა ონუფრიმ უკრაინაში მშვიდობისთვის ლოცვა აღავლინა კიევ-პეჩორის ლავრაში.