პენტარქიის თეორიამ ქრისტიანულ სამყაროში აღიარება ვერ ჰპოვა, - რმე

რმე-ის სსკგ აცხადებს, რომ ავტოკეფალიის სტატუსის ლიკვიდაციის გადაწყვეტილებას „პენტარქიის კრება“ ვერ მიიღებს. ამის შესახებ იუწყება განყოფილების ოფიციალური საიტი, რომელიც განთავსებულია mospat.ru-ზე.

„მსგავსი გადაწყვეტილებები ვერ მიიღება ეგრეთ წოდებული „პენტარქიის კრების“ მიერ, რომელზეც საუბრობს პერისტერიის მიტროპოლიტი გრიგოლი. უნდა შეგახსენოთ, რომ „პენტარქიის“ თეორია VI–VIII საუკუნეებში მართლმადიდებელ აღმოსავლეთში ჩამოყალიბდა, მაგრამ მას ქრისტიანულ სამყაროში არასდროს არ ჰქონია უნივერსალური აღიარება. ჯერ ერთი, ის არ აღიარა რომის ეკლესიამ. მეორე, ეს თეორია იგნორირებას უკეთებდა  სხვა იმ დროს არსებულ ავტოკეფალურ ეკლესიებს, კერძოდ, საქართველოსა და კვიპროსის ეკლესიებს“, - აღნიშნავენ რმე-ში.

რმე-ის სსკგ-მ ემე-ის იერარქს შეახსენა, რომ მას შემდეგ, რაც XVI საუკუნის ბოლოს ოთხმა აღმოსავლეთის პატრიარქმა - კონსტანტინოპოლის, ალექსანდრიის, ანტიოქიისა და იერუსალიმის - აღიარეს ავტოკეფალური რუსეთის ეკლესიის საპატრიარქო წინამძღვრის  წოდება, ამ უკანასკნელმა ადგილობრივ  მართლმადიდებელ ეკლესიათა დიპტიხში მეხუთე ადგილი დაიკავა.

„თავის დროზე „პენტარქიის“ იდეა ზოგერთი ღვთისმეტყველის მიერ გამოიყენებოდა როგორც ადგილობრივ მართლმადიდებელ ეკლესიათა წინმაძღვრების თანასწორობის სიმბოლო და სახე, კონსტანტინოპოლის ხატმებრძოლ პატრიარქთა ამბიციებისა და რომის ეკლესიის პაპის ძალაუფლების აბსოლუტიზმის საწინააღმდეგოდ. დღეს, სამწუხაროდ, შეინიშნება, რომ პერისტერიის მისი მაღალყოვლადუსამღვდელოესობა იყენებს „ხუთი პატრიარქის ერთსულოვანი თანხმობის“ კონცეპციას (ღირსი თეოდორე სტუდიელი, 478 ეპისტოლე) იმისთვის, რომ უარყოს ადგილობრივ მართლმადიდებელ ეკლესიათა თანასწორობა კონსტანტინოპოლის ეკლესიის ახალი პაპური ამბიციების დასაკმაყოფილებლად“, - ნათქვამია რმე-ის სსკგ-ის ოფიციალურ კომენტარებში.

რუსეთის მართლმადიდებელი ეკლესიის წარმომადგენლებმა ყურადღება გაამახვილეს იმაზე, რომ ის ყოველთვის პატივისცემას გამოხატავდა აღმოსავლეთის პატრიარქების მიმართ, საუკუნეების განმავლობაში მათ ნებისმიერ დახმარებას უწევდა და დღესაც დაუღალავად იბრძვის იმისთვის, რომ ახლო აღმოსავლეთში ქრისტიანთა გაძლიერებული დევნის პირობებში ეს საპატრიარქოები შენარჩუნდეს  მათ ისტორიულ ტერიტორიაზე.

მანამდე მჟკ წერდა, რომ ფანარიონისთვის აუცილებელია პენტარქია და რას უნდა ელოდოს რუსეთის ეკლესია „ოთხთა კრებისგან“.