პირეის მიტროპოლიტი: რმე-ის ეგზარქატი აფრიკაში მეუ-ს აღიარების შედეგია

ელადის მართლმადიდებელი ეკლესიის პირეის მიტროპოლიტი სერაფიმე თვლის, რომ აფრიკაში რმე-ის საპატრიარქო ეგზარქატის შექმნა მეუ-ს აღიარების შედეგია, იუწყება agapotonxristo.blogspot.com.

მეუფე ყვებოდა, რომ ალექსანდრიის საპატრიარქოში ზოგიერთი მღვდელმთავარი, მღვდელთა და მორწმუნეთა დიდი რაოდენობა მეუ-ს აღიარების წინააღმდეგები იყვნენ. თუმცა პატრიარქმა თეოდორემ იგნორირება გაუკეთა მათ პოზიციას და „ავტოკეფალიას“ დაეთანხმა, რომელიც უკრაინის განხეთქილების მონაწილეებს ფანარიონმა მიაკუთვნა და ეს  ეგზარქატის შექმნის მიზეზი გახდა.

ამის დასამტკიცებლად მიტროპოლიტმა სერაფიმემ მოიყვანა ალექსანდრიის ეკლესიის კამერუნის მიტროპოლიტის სიტყვები, რომელმაც განაცხადა, რომ ერთ-ერთი ფაქტორი, რამაც ხელი შეუწყო აფრიკაში რუსეთის ეგზარქატის შექმნას, იყო ალექსანდრიის საპატრიარქოს ზოგიერთი მიტროპოლიტის დამოკიდებულება მეუ-ს აღიარების მიმართ.

პირეის მიტროპოლიტის სიტყვებით,  პატრიარქმა  თეოდორემ „უკრაინის პრობლემა როგორც ალექსანდრიის ეკლესიაზე, ასევე მგრძნობიარე აფრიკის კონტინენტზე“ გადაიტანა, ხოლო რმე-ის საპატრიარქო ეგზარქატის შექმნა ალექსანდრიის ეკლესიის შიგნით „გახდა პრობლემის გამოვლენის საბაბი“. 

მანამდე მჟკ წერდა, რომ პირეის მიტროპოლიტის სიტყვებით, პატრიარქმა ბართლომემ  წარმოუდგენელი კრიზისი შექმნა მართლმადიდებლობაში.