დეკანოზი ვასილი ბალანი ტაძრებზე კოტიუჟანში: ჩვენს თემს მეუ ვერ მიიღებს

სოფელ კოტიუჟანში სქიზმატიკოსები  ხრიკებითა და პროვოკაციებით ცდილობენ " ხელში ჩაიგდონ " უმე-ს ტაძარი . მეუ-ს "მღვდელმა" ალექსანდრე კაზმიროვმა წმინდა ნიკოლოზის ტაძრის თემის უკანონო კრებაზე მოულოდნელად განაცხადა მრევლის გადასვლაზე კანონიკური ეკლესიიდან მეუ-ში. მოგილიოვ-პოდოლსკის ეპარქიის მუროვანოკურილოვეცკის ბლაგოჩინიის ბლაგოჩინი, დეკანოზი ვასილი ბალანი ვიდეომიმართვაში, რომელიც განთავსებულია Facebook-ზე, აღნიშნავს, რომ თემის გადასვლაზე კანონიკური ეკლესიიდან მეუ-ში ხმა მისცეს იმათმა, ვისაც ტაძრის ზღურბლზე არ გადაუბიჯებიათ. ეს "კრება" ჩატარდა კულტურის სახლის შენობაში, და მას არც კი დასწრებიან თემის წევრები.

"როგორ შეიძლება შედგეს თემის შეკრება წინამძღვრის ცოდნის გარეშე? როგორი გადაწყვეტილება უნდა მიიღონ იმ ადამიანებმა, როდესაც არც მამა იოანე, არც მისი მუდმივი მრევლი არ იყვნენ იქ და არავითარ ინიციატივაში არ მიუღიათ მონაწილეობა?  ჩვენს თემს მეუ ვერ მიიღებს, ჩვენ ამისთვის ყველაფერს გავაკეთებთ",- ამბობს მამა ვასილი.

მისი სიტყვებით, ტაძარი როგორც ეკუთვნოდა კანონიკურ ეკლესიას, ისევე იქნება მის კუთვნილებაში მიუხედავად იმისა, რომ ხელისუფლება და პოლიცია მოქმედებს მეუ-ს მხარეს: უფლებას აძლევენ ჩაატარონ არაკანონიერი შეკრებები,  ტაძრების მიტაცების დროს უზრუნველყოფენ "მასებით".

"ჩვენ მოვედით ამ შეკრებაზე და ვინ დავინახეთ იქ? სოფლის მაცხოვრებლები, რომლებსაც ამ 20 წლის მანძილზე ტაძრის ზღურბლზე არ გადაუბიჯებიათ! ამ ადამიანებს არ შეუძლიათ თემის სქიზმატურ იურისდიქციაში გადასვლაზე გადაწყვეტილების მიღება",- ამბობენ უმე-ს მორწმუნეები.

ადრე მჟკ წერდა ლოცვითი დგომის შესახებ ვინიცაში, სადაც  მონაწილეობდა მამა ვასილი ბალანი, რომელიც მიეძღვნა მორწმუნეების უფლებებს, და იმას, რომ წმინდა ნიკოლოზის ტაძრის მიმტაცებლები  სოფელ კოტიუჟინაში არ ატარებენ ჯვარს და არ იციან "მამაო ჩვენოს" ლოცვა.