დუმაში მოუწოდეს წითელი მოედნიდან ლენინის მუმია და სტალინის ფერფლი გაიტანონ

მწვანე მოედანი ახალ წელს. ფოტო: pro2019god.ru

რფ-ის სახელმწიფო დუმის ვიცე-სპიკერი ბორის ჩერნიშოვი «РИА Новости»-თან ინტერვიუში თავაზობს, რომ გაუქმდეს  მოსკოვში კრემლის კედელთან მდებარე ნეკროპოლი, ამასთან ერთად, გადაასვენონ ვლადიმერ ლენინის გვამი და იოსებ სტალინის ფერფლი.

პოლიტიკოსი თვლის, რომ მკრეხელობაა წითელ მოედანზე, მემორიალური სასაფლაოს გვერდით სახალხო ზეიმის მოწყობა, სავაჭრო წერტილებისა და სასრიალო მოედნის ორგანიზება. ჩერნიშოვის სიტყვებით, ერთ-ერთი ბელადის, კერძოდ ლენინის გვამი ამ სამარხთა კომპლექსში არ შეესაბამება არანაირ ნორმებს, მათ შორის  მორალურსაც.

 „მით უმეტეს, რომ ლენინს არასდროს არ სურდა, რომ ის მუმიასავით ყოფილიყო გამოფენილი, რომელიც ახლა მოსკოვის ცენტრში მდებარეობს, - თქვა სახელმწიფო დუმის ვიცე-სპიკერმა. - დარწმუნებული ვარ, რომ უკვე დიდი ხანია მოვიდა ის დრო, როდესაც  ყველა დროისა და ხალხების ბელადმა (სტალინი - რედ.), პროლეტარიატის ბელადმა (ლენინი - რედ.) - და  ყველამ ერთად  ბოლოს და ბოლოს განსვენება მოიპოვოს  აუცილებელი ატრიბუტების გათვალისწინებით“.

როგორც მჟკ იუწყებოდა, სტალინის შვილთაშვილმა პატრიარქ კირილეს მიმართა თხოვნით, რომ გაუწიონ დახმარება მისი წინაპრის ეკსგუმაციაში.