უმე-ს მორწმუნეები ახალ წელს ტაძრებში ხვდებიან

უმე-ის მორწმუნეები ახალ წელს ტაძრებში შეხვდებიან. ფოტო: lavra.ua

უკრაინის მართლმადიდებელი ეკლესიის მორწმუნეები მომავალ 2022 წელს ეკლესიებში შეხვდებიან, წერს «Фома в Украине» ეპარქიის ვებსაიტებზე.

უმე-ის რიგი ეპარქიების საკათედრო ტაძრებში 31 დეკემბრის ღამეს აღევლინება საღმრთო ლიტურგია.

წმინდა მიძინების კიევ-პეჩორის ლავრაში ღამისთევა დაიწყება 23:45 საათზე სატრაპეზოს, ბერების - ანტონისა და თეოდოსის სახელობის ეკლესიაში.ლოცვას უძღვება ვიშგოროდისა და ჩერნობილის მიტროპოლიტი პავლე.

ახალი წლის ღამეს საღმრთო ლიტურგიის აღსრულების ტრადიცია მონასტერში მეოთხედი საუკუნის წინ გაჩნდა.

„გადავწყვიტე კურთხევა მიმეღო კიევისა და სრულიად უკრაინის მიტროპოლიტი ვოლოდიმირისგან, რათა ამ ღამეს საღმრთო ლიტურგია აღვავლინო და  შევთხოვო ღმერთს წყალობა არ მოგვაკლოს ჩვენ ცოდვილებს“, - ციტირებს პუბლიკაცია ვლადიკა პავლეს.

ახალი წლის შუაღამეს ლიტურგია დაიწყება კიევის წმინდა სამების იონას მონასტერში, ნახევარი საათით ადრე კი - წმინდა სპირიდონ ტრიმიფუნტელის სახელობის ტაძარში.

წმიდა მიძინების პოჩაევის ლავრაში ახალი წლის ღამეს, სადღესასწაულო ლოცვა გაგრძელდება ბერი ამფილოხი ფოჩაეველის ხსოვნის დღესთან დაკავშირებით, რომელიც აღინიშნება 1 იანვარს. ყოველწლიურად ლოცვას იწყებენ 31 დეკემბერს 11.00 საათზე ჯვრის მსვლელობით, რომლის დროსაც წმინდანის ნაწილები ლუსკუმით გამოქვაბულის ეკლესიიდან ფერისცვალების საკათედრო ტაძარში გადააქვთ. გარდა ამისა, სრულდება საღამოს მსახურება. 1 იანვარს, წმინდანის ხსენების დღეს, ორი ლიტურგია აღევლინება: შუაღამისას და 9.00 საათზე. შემდეგ გაიმართება მსვლელობა წმინდანის ნაწილებით.

ოდესის ეპარქიის ტელეგრამ - არხმა დეტალური ინფორმაცია გამოაქვეყნა ოდესის ეკლესიებში ღამის საღმრთო ლიტურგიებისა და სამადლობელი ლოცვის შესახებ. არხის ცნობით, საახალწლო საღმრთო ლიტურგია წმინდა ელიას მონასტრიდან ფეისბუქზე და იუთუბზე გადაიცემა. წირვას აღავლენს მონასტრის წინამძღვარი, უწმიდესი ვიქტორი, არციზის მთავარეპისკოპოსი.

ხერსონში საახალწლო ლიტურგია სულიწმიდის სახელობის საკათედრო ტაძარში კალენდარული ახალი წლის დაწყებამდე ერთი საათით ადრე დაიწყება. შემდეგ აღევლინება საახალწლო პარაკლისი.

ღვთისმსახურება დაიწყება 23:30 საათზე ზაპოროჟიეს ღვთისმშობლის კვართის სახელობის ტაძარში და ჟიტომირის ფერისცვალების ტაძარში. ხოლო ზუსტად 00.00 საათზე - წმინდა სამების ბრაილოვსკის მონასტერში ვინიცის ეპარქიაში და ქალაქ როვნოში, წმინდა ნიკოლოზის სახელობის  მონასტერში. სადღესასწაულო წირვას აღავლენენ ზაპოროჟიესა და მელიტოპოლის მიტროპოლიტები ლუკა, ჟიტომირისა და ნოვოგრად-ვოლინის - ნიკოდიმი, ვინიცისა და ბარის - ვარსონოფი და როვნოსა და ოსტროგის ეპისკოპოსი პიმენი.

ახალი წლის ღამეს წირვა-ლოცვა აღევლინება ბუკოვინაში, კერძოდ, ჩერნივცის ვვედენის მონასტერში, ბანჩენსკის ამაღლების მონასტერში და კრეშატიკის იოანეს საღვთისმეტყველო მონასტერში.

მანამდე მჟკ-მ გაავრცელა ინფორმაცია, რომ უმე-ში საუბრობდნენ შობის მარხვის ძირითადი წესების შესახებ.