უმე-ში ისაუბრეს სასულიერო სკოლების საგანმანათლებლო მოგზაურობაზე ლიბანში

უმე-ს სტუდენტების საგანმანათლებლო მგზავრობა ლიბანში. ფოტო: vzcz.church.ua

დასრულდა უკრაინის მართლმადიდებელი ეკლესიის სასულიერო სკოლების სტუდენტთა საგანმანათლებლო მოგზაურობა ანტიოქიის საპატრიარქოში, რომელიც ორგანიზებული იყო ანტიოქიისა და სრულიად აღმოსავლეთის პატრიარქის, იოანე X-სა და კიევისა და სრულიად უკრაინის უნეტარესი მიტროპოლიტის ონუფრის ლოცვა-კურთხევით. ამაზე დეტალურად ისაუბრეს უმე-ს საგარეო-საეკლესიო ურთიერთობების განყოფილებაში (სსუგ).

მოგზაურობა გაგრძელდა სამი კვირა, 2021 წლის 21 ოქტომბრიდან 11 ნოემბრამდე.  სტუდენტური ჯგუფის შემადგენლობაში შევიდნენ ბერი ნესტორი (ჩაიკა) და კირილ ნეგრუცა (კიევის სასულიერო აკადემია და სემინარია), ნიკიტა მასლოვი(ოდესის სასულიერო აკადემია), ვადიმ ტომაშევსკი (პოჩაევოს სასულიერო აკადემია) და სტეპან სენჩუკი (ვოლინის სასულიერო სემინარია).

ახლო აღმოსავლეთში ყოფნის დროს უკრაინელი სემინარიელები დაესწრნენ ბალამანდის უნივერსიტეტის (ლიბანი) საღვთისმეტყველო ფაკულტეტის ლექციებს, რომელსაც კითხულობდნენ წამყვანი ღვთისმეტყველები და ბიბლიის მცოდნეები, ასევე გაიარეს ენის ინტენსიური კურსი, რომელმაც  მათ არაბული ენის საფუძვლები გააცნო.

მოგზაურობის მნიშვნელოვანი ნაწილი იყო ახლო აღმოსავლეთის ქრისტიანული კულტურისა და ტრადიციების გაცნობა. სტუდენტები ესტუმრნენ უძველეს მონასტრებს,სადაც გაესაუბრნენ და სულიერი რჩევები მიიღეს იღუმენებისაგან, იღუმენიებისა და წმინდა სავანის მკვიდრთაგან, ასევე მათთვის ორგანიზება გაუკეთდა ექსკურსიას ლიბანის ტერიტორიაზე. კერძოდ, ისინი იმყოფებოდნენ ისეთ უძველეს ადგილებში, როგორიცაა ბიბლოსი, სიდონი, ბაალბექი და სხვები.

ლიბანში უკრაინის სასულიერო სკოლის სტუდენტებს ჰქონდათ რამდენიმე შეხვედრა ანტიოქიის საპატრიარქოს იერარქებთან, რომელთაგანაც მოისმინეს ლოცვითი მხარდაჭერა უმე-ს მორწმუნეების მიმართ.

უკრაინაში სტუდენტური დელეგაცია დაბრუნდა ახალი ცოდნით, შთაბეჭდილებებითა და ფასდაუდებელი გამოცდილებით, აღნიშნეს უმე-ს  სსუგ-ში.

ასევე მჟკ წერდა, რომ ლიბანის მონასტრის მმართველი შეხვდა უმე-ს ვოლინის სემინარიელებს.