რკე-ის კარდინალი ბაიდენზე, რომელიც აბორტების მომხრეა: მასზე ცოდვა არ არის

კარდინალი პიტერ ტარკსონი. ფოტო: newsmax.com

კათოლიკე კარდინალმა პიტერ ტარქსონმა განაცხადა, რომ აშშ-ს პრეზიდენტი, რომელიც აბორტების მომხრეა, „ცოდვის მდგომარეობაში“ არ იმყოფება, იუწყება გამომცემლობა Lifenews.com.

პიტერ ტარქსონმა აგრეთვე თქვა, რომ უარს არ ეტყვის ჯო ბაიდენს ზიარებაზე, მიუხედავად იმისა, რომ აშშ-ს პრეზიდენტი იბრძვის „აბორტის უფლებისთვის“, ხოლო ცოტა ხნის წინ მან უფლება გასცა, რომ ორსულობის შეწყვეტის საშიში პრეპარატები გაიყიდოს ფოსტით, ექიმთან ვიზიტის გარეშე.

კარდინალის აზრით, ზიარებაზე უარის თქმა შესაძლებელია მხოლოდ „უკიდურეს შემთხვევებში“, ხოლო „ევქარისტია არავითარ შემთხვევაში არ უნდა გახდეს იარაღი“.

 „თუ ამბობთ, რომ ვინმემ არ უნდა მიიღოს ზიარება, თქვენ სინამდვილეში განაჩენი გამოგაქვთ მისთვის, რომ ის ცოდვის მდგომარეობაში იმყოფება“, - განაცხადა კარდინალმა. როდესაც ჟურნალისტმა ჰკითხა მას, იმყოფება თუ არა ჯო ბაიდენი ამ მდგომარეობაში, ტარქსონმა უპასუხა: „არა“.

პიტერ კოდვო აპია ტარქსონი პირველი განელი კარდინალია. კეიპ-პოსტის არქიეპისკოპოსი 1992 წლის 6 ოქტომბრიდან 2009 წლის 24 ოქტომბრამდე. პაპის სამართლიანობისა და მშვიდობის  საბჭოს თავმჯდომარე 2009 წლის 24 ოქტომბრიდან 2016 წლის 31 აგვისტომდე. დიკასტერიის პრეფექტი ზოგადსაკაცობრიო განვითარების მხარდაჭერაში 2016 წლის 31 აგვისტოდან. მღვდელ-კარდინალი სან-ლიბორიოს ეკლესიის ტიტულით 2003 წლის 21 ოქტომბრიდან.

მანამდე მჟკ წერდა, რომ ვაშინგტონის კათოლიკე არქიეპისკოპოსმა გააკრიტიკა ბაიდენი აბორტების გამო.