უმე-ს მიტროპოლიტი: მორწმუნეთა ახალ უბედურებებზე პასუხისმგებელი ბართლომეა

პატრიარქი ბართლომე კიევში. ფოტო: news.ugcc.ua

უკრაინის მართლმადიდებელი ეკლესიის ახალი უბედურების პასუხისმგებლობა პირველ რიგში კონსტანტინოპოლის პატრიარქ ბართლომეს ეკისრება. ამის შესახებ უმე-ს ბორისპოლისა და ბროვარის მიტროპოლიტმა ანტონმა (პაკანიჩი) განაცხადა კომენტარში იოანე ღვთისმეტყველის ტაძრის მიტაცების შესახებ ვინიცის ოლქის სოფელ კრასნოსელკაში.

 „ექსპერტის პროგნოზი უკრაინის მიწაზე ფანარიონის მეთაურის ვიზიტის ნეგატიური შედეგების შესახებ გამართლდა, - აღნიშნა იერარქმა Vesti.ua.-ს მასალაში. - ადრე არაერთხელ ხაზი გაუსვეს, რომ სტუმრის ჩამოსვლა სტამბულიდან ზოგიერთ რეგიონში აღთქმული იქნება როგორც ცენტრალური ხელისუფლების მიერ მეუ-ს მხარდაჭერის ნიშანი. ამის შედეგი კი უკრაინის მართლმადიდებელი ეკლესიის ტაძრების მიტაცების მცდელობები იქნება“.

კრასნოსელკაში სიტუაციასთან დაკავშირებით მიტროპოლიტმა აღნიშნა, რომ ეს სცენარი სამწუხაროდ თანდათან რეალური ხდება.

 „ამიტომ მოვუწოდებდით პატრიარქ ბართლომეს უარი ეთქვა კიევში ვიზიტზე. მან კი სხვა გადაწყვეტილება მიიღო და ახლა ის პირველ რიგში პასუხისმგებელია იმ ახალი უბედურებების გამო, რაც თავს დაატყდათ უკრაინის მართლმადიდებელ მორწმუნეებს“, - ხაზი გაუსვა უმე-ს საქმეთა მმართველმა.  

მჟკ წერდა, რომ უმე-ში მოუწოდეს შსს უფროსს პირადი კონტროლის ქვეშ აიყვანოს კრასნოსელკაში ტაძრის მიტაცების საქმე.