რკე-ის მონაზონი იტალიაში წმინდა ნიკოლოზის ნაწილების გაყიდვისთვის დააკავეს

საძვალე ბარში წმინდა ნიკოლოზის სიწმინდეებით. ფოტო: anilatur

კათოლიკე მონაზონ ბერნადეტას ბრალი ედება წმინდა ნიკოლოზ მირაელის სიწმინდეების უკანონო გაყიდვაში, ასევე რელიგიური ნივთებისა და სიწმინდეების ქურდობაში, დაახლოებით 80 000 ევროს ღირებულების.

კვირას იტალიურმა მედიამ გაავრცელა ინფორმაცია, რომ და ბერნადეტამ მნიშვნელოვანი თანხა გამოიმუშავა არიანო-ირპინო-ლაკედონიის კონგრეგაციის სამხრეთ იტალიის ეპარქიიდან მოპარული ნივთების გაყიდვით.

ამ ეპარქიის წინამძღვარმა მედიას დაუდასტურა, რომ მონაზვნმა არა მხოლოდ უკანონოდ გაყიდა წმინდა ნიკოლოზის სიწმინდე, არამედ მოიპარა არაერთი სხვა რელიგიური სიწმინდე და ხელოვნების ნიმუშები.

და ბერნადეტამ თანხა უცხოეთში პირად ანგარიშზე გადაირიცხა. პოლიციამ აღმოაჩინა მოპარული ხელოვნების ნაწილი მის ბინაში, ასევე დამალული რომის რეზიდენციაში და არიანო ირპინოს კურიაში.

გარდა ამისა, მონაზონმა რამდენიმე ეკლესიიდან ოქროს შესაწირავი მოიპარა, რომელიც შემდეგ ოქროს ზოდში გადაადნო, რომელიც ასევე პოლიციამ წაართვა.

გამომძიებლების თქმით, მონაზონმა დანაშაული ჩაიდინა რამდენიმე თვის განმავლობაში, სისტემატურად იპარავდა და ყიდდა ძვირფას ნივთებს სხვადასხვა ეკლესიებიდან.

და ბერნადეტამ უკვე აღიარა თავისი ქმედება. მისი ქმედებით შოკირებული ეპარქიის ეპისკოპოსმა პოლიციას რამდენიმე თვის წინ შეატყობინა, რის გამოც გამოძიება დაიწყო.

მონაზონი ამჟამად შინაპატიმრობაშია და შემდგომ სასამართლო პროცესს ელოდება.

მჟკ წერდა, რომ შვეიცარიაში ქალი 3 საათის განმავლობაში იჯდა ტახტზე რკე ეკლესიის საკურთხეველში.