350 000-ზე მეტმა მართლმადიდებელმა რუმინელმა პატივი მიაგო წმინდა პარასკევას იასში

ლიტურგია იასში. ფოტო: doxologia.ro

2024 წლის 14 ოქტომბერს რუმინეთში ორმოცი ათასზე მეტი მართლმადიდებელი ქრისტიანი და სხვა ქვეყნებიდან მომლოცველები შეიკრიბნენ იასის წმინდა პარასკევას ტაძარში ლიტურგიაში მონაწილეობის მისაღებად, იუწყება რუმინული საინფორმაციო პორტალი News.ro.

წირვას, რომელსაც რუმინეთის საპატრიარქოსა და სხვა ადგილობრივი ეკლესიების 25 იერარქი ესწრებოდა, კონსტანტინოპოლის საპატრიარქოს იერარქმა, თიატირისა და დიდი ბრიტანეთის მთავარეპისკოპოსი ნიკიტა ხელმძღვანელობდა.

იასის ცენტრალურ ნაწილში დამონტაჟდა რამდენიმე ეკრანი, რომელზედაც ხალხს შეეძლო პირდაპირი მაუწყებლობის ყურება.

ლიტურგიას რუმინეთის პრემიერ-მინისტრი, რუმინეთის სენატის პრეზიდენტი, მრავალი ოფიციალური პირი და ქვეყნის პრეზიდენტობის რამდენიმე კანდიდატი დაესწრო. ასევე, წირვა-ლოცვაში მონაწილეობა მიიღეს პოლიტიკური პარტიების ლიდერებმა, რომლებიც არ იდგნენ ჩინოვნიკებისთვის გამართულ სპეციალურ სცენაზე, მაგრამ იყვნენ მლოცველთა შორის.

როგორც News.ro იტყობინება, წმიდა ღმრთისმოსავი პარასკევას ნეშტი ტაძრიდან გამოაბრძანეს და კვირას საღამოს ისევ ტაძარში დააბრძანეს. რუმინეთის ჟანდარმერიის მონაცემებით, ამ დროისთვის 260 ათასზე მეტმა მომლოცველმა შეძლო სიწმინდეების მთხვევა, ხოლო 350 000-მა ადამიანმა მიიღო მონაწილეობა რელიგიურ ღონისძიებაში.

მედია აღნიშნავს, რომ რიგში 50 ათასზე მეტი ადამიანი იდგა ერთდროულად, ლოდინის დრო კი დაახლოებით 20 საათით შემოიფარგლებოდა.

მჟკ წერდა, რომ 26-დან 28 აგვისტომდე ჩერნივცი-ბუკოვინის ეპარქიის ახალგაზრდებმა მონაწილეობა მიიღეს მართლმადიდებელი ახალგაზრდების ყოველწლიურ კრებაში, რომელიც ქალაქ იასში გაიმართა.