მიტ. ანტონმა ახსნა ეკლესიის პოზიცია კორონავირუსის საწინააღმდეგო ვაქცინაზე

ბორისპოლისა და ბროვარის მიტროპოლიტი ანტონი (პაკანიჩი). ფოტო: antoniy.com.ua

უკრაინის მართლმადიდებელი ეკლესიის საქმეთა მმართველმა, ბორისპოლისა და ბროვარის მიტროპოლიტმა ანტონმა (პაკანიჩი) განაცხადა პროგრამაში „ეკლესია და საზოგადოება“ უმე სამი პრინციპული პოზიცია ვაქცინაციის საკითხებთან დაკავშირებით.

პირველ რიგში იერარქმა აღნიშნა, რომ ეკლესიის არანაირი ოფიციალური დოკუმენტი არ არსებობს, სადაც მრევლს ან სამღვდელოებას ეკრძალება კორონავირუსის ან სხვა დაავადებების საწინააღმდეგო ვაქცინაცია და „თქვენ თუ გაიგეთ, რომ ვინმე კრძალავს აცრებს და ამას რელიგიური შეხედულებებით ხსნის, უნდა გესმოდეთ, რომ ეს ამ ადამიანის პირადი დამოკიდებულებაა და არა ოფიციალური პოზიცია“.

მისი აზრით, ვაქცინაციის საკითხი არ არის რელიგიური და ყოველმა ადამიანმა დამოუკიდებლად  უნდა მიიღოს გადაწყვეტილება - გაიკეთოს თუ არა აცრა, ჯანმრთელობის მდგომარეობისა და სამედიცინო რეკომენდაციების გათვალისწინებით. მაგრამ ეკლესიას ვაქცინაციასთან დაკავშირებით აქვს რიგი პრინციპული პოზიცია, რომლებიც უმე საქმეთა მმართველმა კიდევ ერთხელ გაახმოვანა. 

ჯერ ერთი, ნებისმიერი ვაქცინაცია - კორონავირუსის ან სხვა დაავადებების საწინააღმდეგო - უნდა იყოს ნებაყოფლობით. ადამიანს შეუძლია უარი თქვას და უკრაინის  კანონმდებლობის მიერ  ასეთი  შემთხვევა გათვალისწინებულია, მაგრამ ამასთან ერთად მას „უნდა ესმოდეს, რომ ეკისრება მისი და მისი ოჯახის ჯანმრთელობაზე პასუხიმგებლობა“. 

მეორე, ინფორმაცია ვაქცინის შემადგენლობის შესახებ გამჭვირვალე და ღია უნდა იყოს. მიტროპოლიტმა დააზუსტა, რომ კორონავირუსის საწინააღმდეგო ვაქცინები ჯერ ახალია და ინფორმაცია იმ ნივთიერებებზე, რომლებიც მის შემადგენლობაში არიან, ძალზე მწირია. გარდა ამისა, ქრისტიანისთვის მნიშვნელოვანია იმის ცოდნა, ხომ არ არის პრეპარატში უჯრედოვანი ხაზები, მიღებული აბორტირებული ჩვილებისგან, რაც მორწმუნე ადამიანისთვის პრინციპულ აკრძალვას წარმოადგენს. 

მესამე, ვაქცინაციაზე უარის თქმა არ უნდა იწვევდეს ადამიანის უფლებებისა და თავისუფლების შეზღუდვას და „ეკლესია მოითხოვს, რომ ვაქცინაციის საკითხი არ  იყოს მიზეზი ჩვენი უფლებების შეზღუდვისა, რომლებიც ჩვენ თვით უფალმა მოგვანიჭა“, ხაზი გაუსვა მიტროპოლიტმა ანტონმა. 

მანამდე მჟკ  წერდა, რომ რომის პაპმა და ფანარიონის მეთაურმა ყველას მოუწოდეს ჩაიტარონ კორონავირუსის საწინააღმდეგო ვაქცინაცია.