პატრიარქმა კირილმა კომენტარი გაუკეთა ფანარიონის მეთაურის ვიზიტს უკრაინაში

პატრიარქი კირილი ღვთისმშობლის მიძინების დღესასწაულზე მოსკოვის მაცხოვრის ტაძარში. ფოტო: vologda-mitropolia.ru

მოსკოვისა და სრულიად რუსეთის პატრიარქმა კირილმა პატრიარქ ბართლომეს ვიზიტს უკრაინაში ცოდვილი და გაუგებარი უწოდა, იუწყება ria.ru.

"დაე, შეგვეწიოს ყოვლადწმინდა ღვთისმშობელი მართლმადიდებელი ეკლესიების ერთიანობის დაცვაში, რომელიც ირღვევა ბოროტი ძალების მიერ. ჩვენ ვიცით, რა ხდება დღეს მსოფლიო მართლმადიდებლობაში, ეს ძალები როგორ ცდილობენ უკრაინაში შექმნილი უმძიმესი სიტუაციის გამოყენებას , ცდილობენ დაარღვიონ მართლმადიდებელი ეკლესიის ერთობა. და რაღაცაში წარმატებული არიან:ამის მაგალითია ცოდვილი და გაუგებარი ჩამოსვლა კონსტანტინოპოლის პატრიარქისა კიევში და მისი მსახურება სქიზმატიკოსებთან ერთად", - წარმოთქვა პატრიარქმა კირილმა ქადაგებაში ღვთისმშობლის მიძინების დღესასწაულზე მოსკოვის მაცხოვრის ტაძარში.

პატრიარქი ბართლომე სტუმრობდა უკრაინას 20-დან 24 აგვისტომდე, მონაწილეობა მიიღო უკრაინის დამოუკიდებლობის 30 წლისთავის დღესასწაულზე. ვიზიტის დროს მან ჩაატარა ღვთისმსახურება მეუ-ს წინამძღვართან ეპიფანე დუმენკოსთან ერთად კიევში, წმინდა სოფიას საკათედრო ტაძარში, შეხვდა ქვეყნის პრეზიდენტს ვლადიმირ ზელენსკის, პრემიერ-მინისტრ დენის შმიგალს და პარლამენტის სპიკერს დიმიტრი რაზუმკოვს.

ფანარიონის მეთაურის ვიზიტმა უკრაინაში გამოიწვია პროტესტი უმე-ს მორწმუნეებს შორის, რომლების 21 აგვისტოს მივიდნენ უმაღლეს რადასთან, რათა შეხვედროდნენ პატრიარქ ბართლომეს და გამოეხატათ თავისი უთანხმოება ტომოსის მინიჭებასთან დაკავშირებით, მაგრამ პატრიარქი ბართლომე მათთან არ გამოსულა.

როგორც ადრე მჟკ იუწყებოდა, ექსპერტმა განაცხადა, რომ ფანარიონის მეთაურის ვიზიტი შესაძლებელს ხდის მეუ-ს კავშირს უნიატებთან.