მართლმადიდებელი ეკლესია ყოვლადწმინდა ღვთისმშობლის შობის დღესასწაულს აღნიშნავს

ყოვლადწმიდა ღვთისმშობლის შობის ხატი. ფოტო: pravmir.ru

21 სექტემბერს (ძველი სტილით 8 სექტემბერს) მართლმადიდებელი ეკლესია აღნიშნავს თორმეტ დღესასწაულთაგან პირველს - ყოვლადწმიდა ღვთისმშობლისა და მარად ქალწულის შობას.

ღვთისმშობლისა და მისი მშობლების შობა ცნობილია საეკლესიო ტრადიციიდან.

ღვთისმშობელი დაიბადა ნაზარეთში (სხვა ვერსიით, იერუსალიმში). მისი მშობლები იყვნენ მართალი იოაკიმე და ანა. იოაკიმე დავით წინასწარმეტყველისა და მეფის შთამომავალი იყო, მისი ცოლი კი მღვდელმთავარი აარონის ოჯახიდან იყო. ცოლ-ქმარი უშვილო იყო და ძალიან განიცდიდა ამას: უშვილობას ებრაელები ღვთის სასჯელად მიიჩნევდნენ ცოდვებისთვის და წმიდა წყვილი უსამართლო საყვედურს განიცდიდა. სიბერეშიც კი არ კარგავდნენ ღვთის წყალობის იმედს, იხსენებდნენ, როგორ მისცა უფალმა შვილი აბრაამსა და სარას სიბერეში. იოაკიმემ და ანამ აღთქმა დადეს, რომ ღვთის ტაძარში მსახურებას მიუძღვნიდნენ შვილს, რომელსაც უფალი გაუგზავნიდა მათ.

ერთ-ერთ დღესასწაულზე იოაკიმემ თავისი მსხვერპლი იერუსალიმის ტაძარში ღმერთს ძღვნად მიართვა, მაგრამ მღვდელმთავარმა არ მიიღო და უხუცესს უღირსი უწოდა. წმინდანი ღრმა მწუხარებით გავიდა უდაბნოში და დარჩა მარხვაში და ლოცვაში. მისმა მეუღლემ, გაიგო რა მოხდა ტაძარში, არ დრტვინა უფალს, არამედ გულმოდგინედ ლოცულობდა და წყალობას სთხოვდა. შემდეგ მთავარანგელოზმა გაბრიელმა ახარა იოაკიმეს და ანას: მათი ლოცვა შეისმინა ღმერთმა და ეყოლებოდათ ქალიშვილი, რომლის მეშვეობითაც ხსნა მიეცემა მთელ მსოფლიოს. ცხრა თვის შემდეგ დაბადებულ გოგონას, მთავარანგელოზის ბრძანებით, მარიამი დაარქვეს.

ადრე მჟკ წერდა, რას ამბობდნენ წინასწარმეტყველები  ღვთისმშობლის შესახებ.