მედია: უკრაინის ხელისუფლება ფანარიონთან ჩივის, რომ დუმენკო ხელს უშლის მეუ-ს და უმე-ს ერთობას

ეპიფანე დუმენკო. ფოტო: bbc.com

უკრაინის ხელისუფლება კონსტანტინოპოლის საპატრიარქოში  ეპიფანე დუმენკოს უჩივის და ამტკიცებს, რომ ის ხელს უშლის უკრაინაში მართლმადიდებლობის ერთობას.

ბერძნული გამომცემლობა „რომფეა“, თავის წყაროებზე დაყრდნობით, ამტკიცებს, რომ ფანარიონში „შედის უკრაინის ხელისუფლების საჩივრები იმის გამო, რომ მიტროპოლიტი ეპიფანე არაფერს არ აკეთებს ეკლესიათა გაერთიანებისთვის (მეუ და უმე, - რედ.), პირიქით, ხელს უშლის ამას“.

რომფეა ხაზს უსვამს, რომ „უმე-ს ტაძრების ძალადობრივი მიტაცებები მეუ-ს მომხრეთა მიერ, იარაღისა და ცრემლსადენი გაზის გამოყენებით, აგრეთვე მორწმუნეთა მასობრივი ცემა შეუძლებელს ხდის უმე-სთან დიალოგს.  

„ამ  ქმედებებმა, ნაცვლად ეკლესიათა გაერთიანებისა, გამოიწვია მხოლოდ  უმე-ს მორწმუნეთა კონსოლიდირება მეუ-ს წინააღმდეგ“, - წერდნენ „რომფეაში“.  

იქ გაიხსენეს, რომ 2018 წლიდან დღემდე „უკრაინის მართლმადიდებელი ეკლესიის 100 ეპისკოპოსიდან არც ერთი არ გადასულა მეუ-ში, ხოლო მიტაცებული ტაძრები ცარიელია, რადგან არავინ არ არის, ვინც იქ იმსახურებს“.

მანამდე მჟკ წერდა, რომ „რომფეას“ ინფორმაციით, ერთი წლის წინ ზელენსკი ითხოვდა ფანარიონისგან  მეუ-სთვის საპატრიარქოს სტატუსის  მინიჭებას.