კიევში 27 ივლისს ლიტანიობისათვის ჩამოაბრძანეს სასწაულმოქმედი ხატები

ბორისპოლისა და ბროვარის მიტროპოლიტი ანტონი ბრიფინგის დროს. ფოტო: news.church.ua

26 ივლისს, კიევ – პეჩერსკის ლავრაში ცენტრალური მედიისთვის გამართულ ბრიფინგზე, უმე-ს საქმეთმმართველმა, ბორისპილისა და ბროვარის მიტროპოლიტმა ანტონმა ისაუბრა იმ სასწაულებრივ ხატებზე, რომლებიც კიევში ჩამოაბრძანეს რუსეთის ნათლობის დღის აღსანიშნავად, იუწყება news.church.ua.

უმე-ს საქმეთმმართველის თქმით, ხატები ჩამოაბრძანეს უკრაინის სხვადასხვა რეგიონიდან - კასპეროვსკაიას ხატი ოდესიდან, ლიუბეკის ხატი ჩერნიგოვის რეგიონიდან, პოჩაევისა და ზიმნენსკაიას ხატები დასავლეთ უკრაინიდან.

ჯვარით მსვლელობის დროს ასევე გამოაბრძანებენ მოციქულთა თანასწორი თავადი ვლადიმირის წმინდა ნაწილებს.

”ჩვენ ვაპირებთ მადლობა გადავუხადოთ ღმერთს მისი წყალობისთვის, წმინდა თავადი ვლადიმირისათვის, რომელმაც გაგვაცნო ქრისტიანთა მონასტერი. ჩვენ ვილოცებთ მშვიდობისათვის ჩვენს სახელმწიფოში, რათა დასრულდეს ომი და უთანხმოება, რომ ჩვენ, როგორც ერთიანი ერი ვიბრძოდეთ ჩვენი სამშობლოს სადიდებლად ", - აღნიშნა მიტროპოლიტმა ანტონმა.

უმე-ს საქმეთმმართველმა დაამატა, რომ მსვლელობის დასრულების შემდეგ, სასწაულებრივი სიწმინდეები ხელმისაწვდომი იქნება 27 ივლისს მთელი ღამის განმავლობაში წმინდა ანტონისა და  თადეოს პეჩერსკების სახელობის ეკლესიაში, საზეიმო საღმრთო ლიტურგიის დაწყებამდე, 28 ივლისს.

კიევ-პეჩერსკის მონასტერში სიწმინდეების ყოფნის ღამეს შესრულდება ღამის საღმრთო ლიტურგია, რომლის დროსაც მორწმუნეებს შეეძლებათ აღსარების ჩაბარება და ზიარების საიდუმლოების მიღება.

როგორც ადრე მჟკ წერდა, საქმეთმმართველმა განაცხადა, რომ ლიტანიობის დღეს მზად უნდა ვიყოთ მოსალოდნელი პროვოკაციებისთვის.