ბერძენმა მიტროპოლიტმა ოლიმპიადასთან დაკავშირებით საფრანგეთის ელჩს მიმართა

მანიის მიტროპოლიტი ქრიზოსტომ III. ფოტო: vimaorthodoxias.gr

საბერძნეთის მართლმადიდებლური ეკლესიის ეპისკოპოსმა, მანიის მიტროპოლიტმა ქრიზოსტომ III-მ, ცნობილმა ბერძენმა ღვთისმეტყველმა და ადვოკატმა, საფრანგეთის ელჩის მიმართ უკმაყოფილება გამოთქვა პარიზში ოლიმპიური თამაშების გახსნის ცერემონიის დროს განთქმულ ანტიქრისტიანულ სცენებთან დაკავშირებით. ბერძენი ეპისკოპოსის წერილი Rompheus-ის ვებგვერდზე გამოქვეყნდა.

„ბერძენ-ფრანგული მეგობრობის კონტექსტში და ასევე, როგორც ცნობილი სორბონის უნივერსიტეტის სტუდენტი, სინანულით გამოვხატავ ჩემს უკმაყოფილებას პარიზში ოლიმპიური თამაშების გახსნის ცერემონიის დროს მომხდარი მკრეხელური ინციდენტის გამო. ,,საიდუმლო სერობა’’, რომელიც ეხება ევროპულ ქრისტიანულ კულტურას“, - ნათქვამია განცხადებაში.

მიტროპოლიტმა ელჩთან მიმართვისას იმედი გამოთქვა, რომ „მსგავსი პროვოკაციული და ანტირელიგიური ქმედებები მომავალში აღარ განმეორდება“.

როგორც მჟკ წერდა, საბერძნეთის ეკლესიის წინამძღვარმა გააკრიტიკა ოლიმპიადის გახსნა.