ტიაგნიბოკმა ფარიონის მკვლელობა უმე-ს დაუკავშირა

ოლეგ ტიაგნიბოკი და ირინა ფარიონი. ფოტო: radiosvoboda

პარტია ,,სვობოდას’’ ხელმძღვანელმა ოლეგ ტიაგნიბოკმა 19 ივლისს ლვოვში ირინა ფარიონის მკვლელობასთან დაკავშირებით განცხადება გამოაქვეყნა თავის ფეისბუქ-გვერდზე და დაადანაშაულა რუსეთის ფედერაცია, ისევე როგორც „მოსკოვის საპატრიარქო“, რომელიც ჯერ კიდევ არ არის აკრძალული.

„მოსკოვის საპატრიარქო არ არის აკრძალული და აგრძელებს მუშაობას მოსკოვის აგრესორის ინტერესებიდან გამომდინარე... უკრაინის ხელისუფლებამ ღიად უნდა დაასახელოს დამკვეთი, მოსკოვი. აუცილებელია მოსკოვის აგენტების სრული განეიტრალება, როგორც არ უნდა იყვნენ ისისნი შეფუთული, აკრძალოს მათი ორგანიზაციული სტრუქტურები, გაანადგუროს მათი ფინანსური და მატერიალური სიცოცხლისუნარიანობა“, - მოითხოვს ტიაგნიბოკი.

ცნობილია, რომ ირინა ფარიონს ახალგაზრდა მამაკაცმა სახლთან ესროლა და მიმალვა მოახერხა. ქალი მძიმე მდგომარეობაში თავის არეში ჭრილობით საავადმყოფოში გადაიყვანეს. ექიმებმა ოპერაცია გაუკეთეს, მაგრამ მოგვიანებით მისი გარდაცვალების შესახებ გაავრცელეს ცნობა. დამნაშავის ძებნა გრძელდება.

როგორც მჟკ წერდა, "FSB-ის აგენტები იარაღის საწყობებით": პარტია ,,გოლოსი’’-ს დეპუტატი ითხოვს უმე-ის აკრძალვას.