ზელენსკიმ პაპთან საუბრისას განაცხადა, რომ უკრაინელები მის ვიზიტს ელოდებიან

ვლადიმერ ზელენსკი და რკე-ს მეთაური პაპი ფრანცისკე. ფოტო: Vaticannews.va

პრეზიდენტმა ვოლოდიმირ ზელენსკიმ პაპ ფრანცისკესთან სატელეფონო საუბრისას განაცხადა, რომ უკრაინელი ხალხი ელოდება რომის კათოლიკური ეკლესიის მეთაურის ვიზიტს, იუწყება პრეზიდენტის ოფისი თავის ოფიციალურ ვებგვერდზე.

 «უპირველეს ყოვლისა გელოდებათ უკრაინელი ხალხი», ეს იქნება «ისეთივე აუცილებელი, როგორც ჟანგბადია». პრეზიდენტმა კიდევ ერთხელ მოიწვია რომის კათოლიკური ეკლესიის მეთაური და დაამატა, რომ მისი შეხვედრა უკრაინელ ხალხთან იქნება საბედისწერო მოვლენა.

ასევე ვლადიმერ ზელენსკიმ მადლობა გადაუხადა რომის პაპს გამუდმებით ლოცვისთვის, რათა მშვიდობა იყოს უკრაინაში. «ჩვენ ველოდებით წმინდა საყდრისგან და თქვენგან მხარდაჭერას დონბასში მშვიდობის დასამყარებლად. საზოგადოებისა და სულიერი ლიდერების მხარდაჭერა ძალზედ მნიშვნელოვანია», – დაამატა მან.

ზელენსკიმ მადლობა გადაუხადა პაპ ფრანცისკეს "მშვიდობისათვის გულწრფელი ლოცვებისთვის, განსაკუთრებით აღმოსავლეთ უკრაინაში" და რკე-ს მეთაური დამოუკიდებლობის 30 წლისთავისადმი მიძღვნილ საზეიმო ღონისძიებებზე მიიწვია .