მიტროპოლიტი კლიმენტი G7 ელჩებს უმე-ს ქველმოქმედების შესახებ უყვებოდა

მიტროპოლიტი კლიმენტი (ვეჩერია) სრულიად უკრაინის ეკლესიათა საბჭოს და რელიგიური ორგანიზაციების წარმომადგენლებთან შეხვედრაზე. ფოტო: news.church.ua

2024 წლის 11 ივნისს გაიმართა დიდი შვიდეულის ქვეყნების ელჩების (G7) შეხვედრა სრულიად უკრაინის ეკლესიათა საბჭოს და რელიგიური ორგანიზაციების წარმომადგენლებთან. როგორც იუწყება საიტი  news.church.ua, ღონისძიებაში მონაწილეობდნენ უმე-ს საინფორმაციო-საგანმანათლებლო განყოფილების თავმჯდომარე, ნეჟინსკისა და პრილუკსკის მიტროპოლიტი კლიმენტი და უმე-ს საგარეო საეკლესიო კავშირების განყოფილების უფროსის მოადგილე, დეკანოზი ნიკოლოზ დანილევიჩი.

უმე-ს წარმომადგენლებმა შეხვედრაში მონაწილეობა მიიღეს კიევისა და სრულიად უკრაინის უნეტარესი მიტროპოლიტის ონოფრეს ლოცვა-კურთხევით.

მიტროპოლიტი კლიმენტი ელჩებს უყვებოდა მსხვილმასშტაბიან სოციალურ და ჰუმანიტარულ დახმარებაზე, რომელსაც ეწევა უკრაინის მართლმადიდებელი ეკლესია, კერძოდ, ევროპის ინსტიტუციებისა და სხვა ქვეყნების მხარდაჭერით დაზარალებული უკრაინის მოსახლეობისა და უკრაინის შეიარაღებული ძალებისთვის.

„მეუფემ ხაზი გაუსვა, რომ ჰუმანიტარულ სფეროში ეკლესიისა და უკრაინის სახელმწიფოს თანამშრომლობის ფორმების მოძიების წყალობით, ომის პერიოდში ეკლესიას საშუალება აქვს ქმედითად მოწმობდეს თავისი მოწოდების შესახებ, რომ გამოხატოს  მოყვასის მიმართ სიყვარული უკრაინის საზოგადოებაში. განსაკუთრებით ეს რეგიონებს ეხება, რომლებიც სამხედრო ქმედებების ეპიცენტრები გახდნენ“, - ნათქვამია უწყებაში.

როგორც მჟკ წერდა, სრულიად უკრაინის ეკლესიათა საბჭოს აღმასრულებელმა კომიტეტმა მიმართა რფ-ის და უკრაინის ხელისუფლებებს მოწოდებით: „პატივი სცენ სამხედრო სამსახურზე უარის თქმის ფუნდამენტურ ადამიანურ და მორალურ უფლებას სინდისის მოსაზრებებით, ომის დროსაც კი“.