რადაში უშვილობის ბეგარის შესახებ კანონპროექტი შევიდა

გადასახადისგან გათავისუფლდებიან ისინი, ვისაც სამზე მეტი შვილი ჰყავს. ფოტო: Shootrock

პარტია ,,სახალხო მსახურის’’ დეპუტატმა სერგეი გრივკომ წარუდგინა კანონპროექტი უშვილობაზე ბეგარის დაწესების შემოღების თაობაზე, საკანონმდებლო ინიციატივის ბარათი გამოქვეყნებულია პარლამენტის ვებგვერდზე.

კანონპროექტის მიხედვით, დემოგრაფიული გადასახადი ეკისრება უკრაინის ყველა მაცხოვრებელს 21-დან 58 წლამდე დემოგრაფიული რეფორმის გატარებამდე.

გადასახადი არ დაეკისრებათ სამ და მეტ შვილის მშობლებს, უნაყოფობის, სამედიცინო დოკუმენტებით დადასტურებული რეპროდუქციული ფუნქციის დარღვევის მქონე პირებს 2 წელიწადში ერთხელ მაინც გადამოწმების საფუძველზე, ასევე 1 ჯგუფის ინვალიდებს.

თავად გადასახადი იქნება უშვილოებისთვის 1,5%, 1 შვილის 1%, 2 შვილის 0,5%.

პროცენტი გამოითვლება ნაღდი ანგარიშსწორებით მიღებულ ყველა შემოსავალზე, გარდა ინდივიდუალური მეწარმეებისა და დამოუკიდებელ პროფესიულ საქმიანობაზე მომუშავე პირების მიერ მიღებული სახსრებისა, ასევე სამართალდამცავებისა და სამხედროების შემოსავლებისა.

გადასახადები ასევე არ შეეხება მოხალისეობრივი საქმიანობით, საქველმოქმედო საქმით დაკავებულ პირებს და მათ, ვინც შემოსავალს იღებენ სახელმწიფო ობლიგაციების გამოსყიდვით, დეპოზიტების დაბრუნებით და ქონების გაყიდვით.

ასევე, საერთაშორისო ორგანიზაციებიდან მიღებული სახსრები არ დაიბეგრება.

როგორც მჟკ იტყობინება, ციფრული ტრანსფორმაციის მინისტრმა მიხაილ ფედოროვმა განაცხადა, რომ მინისტრთა კაბინეტმა დაამტკიცა დადგენილება ქორწინების შესახებ აპლიკაციის საშუალებით «Дія».