პოლონეთის პარლამენტის ყოფილმა წევრმა მჟკ-ის ჟურნალისტებს მხარი დაუჭირა

მჟ-ს ჟურნალისტები წინასწარ პატიმრობაში გირაოს გადახდის უფლების გარეშე იმყოფებიან. ფოტო: СПЖ

პარლამენტთაშორისი მართლმადიდებლობის ასამბლეის (პმა) ხელმძღვანელმა, პოლონეთის სეიმის ყოფილმა დეპუტატმა ევგენი ჩიკვინმა უკრაინის სასამართლოში გააგზავნა თავდებებობის ხელშეკრულებები მჟკ-ს ჟურნალისტებზე ვალერი სტუპნიცკიზე, ანდრეი ოვჩარენკოზე, ვლადიმერ ბიბეჩკოზე, რომლებიც 12 მარტს დააპატიმრეს, როგორც ეჭვმიტანილები სახელმწიფო ღალატში და რელიგიური შუღლის გაღვივებაში.

პმა-ს ხელმძღვანელმა აღნიშნა, რომ ის, როგორც მართლმადიდებლობის საერთაშორისო ასამბლეის თავმჯდომარე, პოლონეთის სეიმის დეპუტატი, მართლმადიდებლური საზოგადოებრიობის აქტივისტი და პოლიტიკოსი, თვალყურს ადევნებს მსოფლიო მართლმადიდებლობაში მოვლენათა განვითარებას, განსაკუთრებით კი მეზობელ უკრაინაში.

ჩიკვინმა უკრაინის სასამართლოს მოუყვა, რომ სტუპნიცკი მან გაიცნო მჟკ-სთვის პოლონეთის კონსტანტინე ოსტროჟსკის სახელობის ფონდის 30-ე პრემიის გადაცემის დროს, რომელიც გადაეცა იმ წვლილისთვის, რომელიც მან შეიტანა მართლმადიდებლური კულტურისა და სულიერების განვითარებაში და აღნიშნა, რომ „მართლმადიდებელ ჟურნალისტთა კავშირი“ არასდროს არ ყოფილა პროპაგანდისტული რესურსი და მან მოიპოვა პოპულარობა ბევრ წამყვან დასავლეთის მასმედიის საშუალებებში და მოღვაწეობის მაღალი შეფასება მიიღო ადგილობრივი ეკლესიების წარმომადგენელთა უმრავლესობაში.

„მჟკ ყოველთვის ყველაფერს თავის სახელებს არქმევდა, მას არ ეშინოდა სიმართლის თქმის, მუშაობდა უკრაინის ავტორიტეტისთვის საერთაშორისო დონეზე, ხოლო მისი ავტორების პუბლიკაციები წარმოადგენს მიმდინარე მოვლენების ხარისხიან ობიექტურ ანალიზს ეკლესიის ისტორიაზე და მის დოგმატურ საფუძვლებზე დაყრდნობით“, - დაწერა მან.

თავის წერილში ჩიკვინი დადებით დახასიათებას აძლევს „მართლმადიდებელ ჟურნალისტთა კავშირის“ ერთ-ერთ დაპატიმრებულ თანამშრომელს.

კერძოდ, ვალერი სტუპნიცკის შესახებ მან დაწერა, რომ ის „არის წესიერი, მაღალკვალიფიცირებული, პატრიოტულად განწყობილი ადამიანი და ჟურნალისტი, რომელსაც გულწრფელად უყვარს თავისი სამშობლო და ეკლესია. ამ თვისებების შესახებ მოწმობს მისი მრავალრიცხოვანი პუბლკაცია“.

„მჟკ თავისი ჟურნალისტების სახით, განსაკუთრებით ვალერი ანტონოვიჩის, როგორც საინფორმაციო სააგენტოს საკვანძო პუბლიკაციების ავტორის, დარჩა მტკიცე პატრიოტულ პოზიციებზე, აგრძელებდა სიმართლისთვის ბრძოლას და ეკლესიის დასაცავად გამოდიოდა რუსეთის უკრაინაში სრულმასშტაბიანი შეჭრის შემდეგაც, რომელმაც, სამწუხაროდ, გააღრმავა საეკლესიო განხეთქილება უკრაინის საზოგადოებაში“, - ნათქვამია თავდების ხელშეკრულებაში.

„უნდა აღვნიშნო, რომ მჟკ-ს პოზიცია მთლიანობაში ღრმად ქრისტიანულია, ხოლო ამ ჟურნალისტის პუბლიკაციები გამსჭვალულია უკრაინის საეკლესიო ცხოვრებაში მიმდინარე მოვლენების ობიექტური შეფასებით, რომლებიც მსოფლიო საზოგადოებრიობასაც აღელვებენ“, - წერდა ჩიკვინი.

რაც შეეხება ჟურნალისტ ვლადიმერ ბობეჩკოს, პოლიტიკოსი წერდა, რომ ის მთელი თავისი შეგნებული ცხოვრების განმავლობაში იყო თავისი ქვეყნის მხურვალე პატრიოტი და ღრმად მორწმუნე ადამიანი. „სწორედ ამიტომ ის გახდა იმ ორგანიზაციის თანამშრომელი, სადაც შეეძლო საკუთარი თავის რეალიზება, როგორც პროფესიონალი ჟურნალისტისა და მართლმადიდებელი ქრისტიანისა, რომლისთვისაც აღმსარებლობისა და რელიგიური შეხედულებების თავისუფლება უკანასკნელ ადგილს არ იკავებს  მის ფასეულობათა იერარქიაში“, - აღნიშნა პმა-ს თავმჯდომარემ.

ამ ყველაფრის გათვალისწინებით, პოლონელი პოლიტიკოსი დარწმუნებულია, რომ მართლმადიდებელი ჟურნალისტების წინააღმდეგ წარდგენილი ყველა ბრალდება უსაფუძვლოა და შესაბამისად ისინი უნდა მოიხსნას, რადგან მათი დევნა, ჩიკვინის აზრით, პოლიტიკურია.

როგორც მჟკ იუწყებოდა, ვალერი სტუპნიცკიმ უპასუხა უუს-ს ბრალდებას სასამართლოზე.