ბულგარელი იერარქი: ყველაფერს ვაკეთებთ, რომ მართლმადიდებლობაში ერთობა იყოს

პლოვდივკის მიტროპოლიტი ნიკოლოზი. ფოტო: podvorie-sofia.bg

ბულგარეთის მართლმადიდებელი ეკლესიის იერარქმა, პლოვდივის მიტროპოლიტმა ნიკოლოზმა (სევასტიანოვი) განაცხადა, რომ ბულგარეთის მართლმადიდებელ ეკლესიაში ყველაფერს აკეთებენ, რომ მართლმადიდებლობაში იყოს ერთობა. ამის შესახებ მღვდელმთავარმა თქვა 2021 წლის 22 მაისს, წმინდა ნიკოლოზ სასწაულმოქმედის ხსენების დღეს, საღმრთო ლიტურგიის შემდეგ ბულგარეთის დედაქალაქ სოფიაში, მოსკოვისა და სრულიად რუსეთის პატრიარქის წარმომადგენლობაში,იუწყება წარმომადგენლობის პრეს-სამსახური.

წმინდა ნიკოლოზის, მირონ-ლუკიის მთავარეპისკოპოსის  სახელობის ტაძარში ჩატარებული სადღესასწაულო მსახურების შემდეგ, წინამძღვარმა, არქიმანდრიტმა ვასიანმა (ზმეევი) ისაუბრა  ქრისტეს ერთიანი ეკლესიის თანაზიარობის სიხარულის შესახებ და ერთობლივი ლოცვის სამახსოვროდ მღვდელმთავარს მიართვა პანაღეა ღვთისმშობლის ხატით, აგრეთვე წმინდა სერაფიმეს, ბოგუჩარსკის არქიეპისკოპოსის პორტრეტი.

ბულგარელმა იერარქმა მადლობა გადაიხადა იმ დიდი სიხარულისთვის, რაც თან ახლავს წმინდა საღმრთო ლიტურგიის ჩატარებას წმინდა ნიკოლოზის ტაძრის დღესასწაულზე და „პირველ რიგში სიყვარულისთვის, იმ გრძნობისთვის, რაც დღეს  გამოხატეთ ჩემსა და ჩვენი ეპარქიის მიმართ“.

„გარწმუნებთ, ჩვენ ყველაფერს ვაკეთებთ, რომ წმინდა მართლმადიდებლობაში იყოს ერთობა. ჩვენ გვახსოვს ცნება „მშვიდობის საკვრელით შეინარჩუნოთ სულის ერთობა“ (ეფ. 4:3)“, - თქვა ბულგარეთის მართლმადიდებელი ეკლესიის მღვდელმთავარმა და დაამატა, რომ „ჩვენ ყოველთვის ვიქნებით რუსი ხალხის მადლიერები და მათ მიმართ სიყვარულით გამსჭვალულები. ვიღვაწებთ მართლმადიდებელ ხალხთა ერთობისთვის“.

მანამდე მართლმადიდებელ ჟურნალისტთა კავშირთან ინტერვიუში მიტროპოლიტმა ნიკოლოზმა განაცხადა, რომ მისი  რწმენით  უკრაინაში განხეთქილება დაძლეული იქნება.