კიევის საპატრიარქოს უმე(კ) ზელენსკის აშშ-ს კონგრესში მიმართვით ემუქრება

კიევის საპატრიარქოს უმე(კ)-ს მმართველობამ ზელენსკის უკრაინაში კიევის საპატრიარქოს სახელმწიფო რეგისტრაციის აღდგენა მოთხოვა. ფოტო: РБК-Украина

კიევის  საპატრიარქოს უკრაინის მართლმადიდებელი ეკლესიის მმართველობამ აშშ-ში და კანადაში ვლადიმერ ზელენსკის მოთხოვა აღადგინოს ლიკვიდირებული კიევის საპატრიარქოს სახელმწიფო რეგისტრაცია და დაემუქრა შეერთებული შტატების კონგრესში მიმართვით უკრაინაში რელიგიური დევნის გამო. უკრაინის პრეზიდენტისადმი 16 მაისის  მიმართვა გამოქვეყნებული იყო მმართველობის Facebook-გვერდზე ოთხშაბათს, 19 მაისს.

სტრუქტურაში აღნიშნეს, რომ 2021 წლის 31 აპრილს აშშ-ს მთავრობამ, „გორდიას კვანძის გახსნის სურვილით“, ოფიციალურად დაარეგისტრირა კიევის  საპატრიარქოს უკრაინის მართლმადიდებელი ეკლესიის მმართველობის წესდება აშშ-ში და კანადაში, ესე იგი „აშშ დე-ფაქტო აღიარებს უკრაინაში კიევის საპატრიარქოს ლიკვიდაციის უკანონობას“.

„20 მილიონი უკრაინელის სახელით, რომლებიც დროებით ან მუდმივად ცხოვრობენ უკრაინის საზღვრებს გარეთ“, მმართველობა მოუწოდებს ზელენსკის უზრუნველყოს უკრაინაში კიევის  საპატრიარქოს უკრაინის მართლმადიდებელი ეკლესიის წევრების რელიგიური უფლებები და თავისუფლება და ხელი შეუწყოს ლიკვიდირებული რელიგიური ორგანიზაციის სახელმწიფო რეგისტრაციის დაბრუნებას.

„ჩვენი კანონიერი მოთხოვნის იგნორირების გაგრძელების შემთხვევაში, ჩვენ, აშშ-ში კიევის საპატრიარქოს მორწმუნეები, ვიწყებთ ხელმოწერების შეგროვებას განცხადებაზე აშშ-ს კონგრესში უკრაინაში რელიგიური დევნის შესახებ. ამ მიმართვის შედეგი შეიძლება იყოს აქტი უკრაინაში რელიგიური დევნის შესახებ და მისი მიკუთვნება იმ ქვეყნებისადმი, სადაც ტოტალიტარული მმართველობაა. ჩვენ მიგვაჩნია, რომ კონგრესმენთა ასეთი ნეგატიური დასკვნები მნიშვნელოვნად დასცემენ უკრაინის რეიტინგს მსოფლიო რუკაზე“, - იმუქრებოდნენ კიევის  საპატრიარქოს უკრაინის მართლმადიდებელი ეკლესიის მმართველობაში.

შეგახსენებთ, რომ მანამდე კიევის  საპატრიარქოს უკრაინის მართლმადიდებელ ეკლესიაში განაცხადეს აშშ-ში მათი მმართველობის ოფიციალური რეგისტრაციის შესახებ.