ეპიფანე - ეკლესიათა მსოფლიო საბჭოს: უკრაინაში ყველა რელიგია 8371 კანონის მომხრეა

ეპიფანე დუმენკო. ფოტო: ortodoxiamarturisitoare

2024 წლის 10 აპრილს მეუ-ს ხელმძღვანელი ეპიფანე დუმენკო  ეკლესიათა მსოფლიო საბჭოს წარმომადგენლებთან ამბობდა, რომ უკრაინაში ყველა რელიგიური ორგანიზაცია მხარს უჭერს 8371 კანონპროექტს.

ეკლესიათა მსოფლიო საბჭოში ვიზიტის დროს დუმენკო „ყვებოდა ჩვენი სახელმწიფოს რელიგიური საზოგადოებრიობის დამოკიდებულების შესახებ  იმის მიმართ, რომ საკანონმდებლო დონეზე აიკრძალოს უკრაინის რელიგიური ორგანიზაციების ყოფნა რუსეთის რელიგიური გაერთიანებების დაქვემდებარებაში“.

„უკრაინაში არ არსებობს არც ერთი რელიგიური გაერთიანება, რომელიც საჯაროდ მხარს უჭერდეს იმას, რომ უკრაინაში რელიგიური ორგანიზაციები კვლავ რჩებოდნენ იმ სტრუქტურების დაქვემდებარებაში, რომლებიც რუსეთის სახელმწიფოს მიერ არიან კონტროლირებულები“, - განაცხადა დუმენკომ.

მისი სიტყვებით, ეს აიხსნება იმით, რომ „ყველა ხედავს, როგორ იყებებს რუსეთის სახელმწიფო რელიგიას თავისი აგრესიული ომის გასამართლებლად“.

„პარლამენტში შემოთავაზებული ცვლილებები კანონმდებლობაში არ ეხება აღმსარებლობის თავისუფლებას, პირიქით, ისინი იცავენ უკრაინაში რელიგიურ ორგანიზაციებს იმისგან, რომ ისინი არ გადაიქცნენ კრემლის ჰიბრიდული ომის ინსტრუმენტად“, - თვლის დუმენკო. 

მანამდე მჟკ წერდა, რომ, როგორც უმე-ში თვლიან, 8371 კანონი ხელს უწყობს რელიგიური შუღლის გაღვივებას და ამიტომ უმე-ს სინოდმა უმაღლესი რადის დეპუტატებს მოუწოდა არ მიიღონ ეს კანონი.

გარდა ამისა, ნორვეგიულ სამართალდამცავ ორგანიზაციაში „ფორუმი 18“ თვლიან, რომ 8371 კანონის პროექტი უმე-ს აკრძალვის შესახებ არ შეესაბამება უკრაინის საერთაშორისო ვალდებულებებს ადამიანის უფლებებისა და რელიგიისა და შეხედულებების, აზრის გამოხატვისა და გაერთიანებების თავისუფლების დაცვაში.

ანგლიკანურმა ეკლესიამ აგრეთვე მოუწოდა უკრაინას გამოიხმოს 8371 კანონპროექტი, რადგან, ლორდთა პალატის სულიერი ლორდის აზრით, 8371 კანონპროექტი დისკრიმინაციულ ხასიათს ატარებს.