ჩვენი მუშაობა გაერთიანებების გადასვლასთან სულ იწვევდა გაუგებრობას, -იურაში

ანდრეი იურაში. ფოტო : скриншот youtube-канала DetectorUA

მუშაობა, რომელიც მიმართულია რელიგიური გაერთიანებების სხვა იურისდიქციაში გადასვლის პროცესის გამარტივებაზე, არ ესმოდათ და მას შიშით ხვდებოდნენ. ამის შესახებ სერგეი იურაში, რომელიც ხელმძღვანელობს უკრაინის მინისტრთა კაბინეტის სამდივნოს განყოფილებას რელიგიის, მსოფლმხედველობისა და აღმსარებლობის თავისუფლების მოქალაქეთა უფლებების უზრუნველყოფის  საკითხებში, ყვებოდა DetectorUA-ს ეთერში.

იურაშის სიტყვებით, რომელსაც ინტერვიურერმა უწოდა „მოსკოვის საპატრიარქოს უდიდესი ინკვიზიტორი“, სახელმწიფო სამსახურში კულტურის სამინისტროს ამჟამად გაუქმებულ რელიგიის საკითხთა  და ეროვნებების დეპარტამენტში ის მივიდა გადაწყვეტილებით, რომ „გაიაზროს, თუ რა წარმოადგენს  სიტუაციის განვითარების ობიექტურ ტრენდს“.

მან ხაზი გაუსვა, რომ დეპარტამენტის დახმარება უკრაინაში მართლმადიდებელი ეკლესიისთვის ავტოკეფალიისა და ტომოსის მიღების საკითხში არ ყოფილა ჩარევა, არამედ „ეს იყო მხოლოდ სურვილი იმ ობიექტური რეალობის გააზრებისა, რომელიც უკრაინაში თითქმის ასი წელია არსებობს და დაეხმაროს რელიგიურ საზოგადოებას თვითრეალიზაციაში. ეს იყო მხოლოდ მუშაობა მორწმუნეთა უფლებების რეალიზაციაზე“.

თუმცა, აღნიშნა მოხელემ, დეპარტამენტის მუშაობა რელიგიური გაერთიანებების „გადასვლების“ მექანიზმზე აწყდებოდა დიდ წინააღმდეგობას, გაუგებრობასა და შიშს. მიუხედავად ამისა, შეთავაზებული სქემა, რომელსაც, იურაშის სიტყვებით, „საფუძვლად უდევს რაციონალური, ობიექტური მარცვალი“ მუშაობს, მაგრამ არის ბევრი გარე და შიდა ფაქტორი, რომლებიც ცდილობენ გავლენის  მოახდენას  ამ პროცესის რეალიზაციაზე.

„ყოველთვის იყო გარკვეული გაუგებრობა, მიუღებლობა, შიში - სუბიექტური, ობიექტური, რომლებიც ხელს უშლიდნენ საბოლოო და ღრმა გააზრებას იმ ჩანაფიქრისა, რომელიც ჩვენ წამოვიწყეთ. მაგრამ  ბოლომდე არ ვეთანხმები იმას, რომ ის არ მუშაობს. ჯერ ერთი, სადღაც 350-400 გაერთიანება ამ სქემით უკვე რეალიზებულია (აღმსარებლობის ფორმის შეცვლის უფლება, - რედ.), და კიდევ, მაგალითად 200 ან 300 გაერთიანება სასამართლოში იბრძვის უფლებისთვის, რომ ამ სქემით იმოქმედოს. ესე იგი ეს ყველაფერი ერთად არა ნაკლებ 600, შეიძლება 700 გაერთიანებაც იყოს, ვინც ამ სქემით ისარგებლა“, - თქვა ანდრეი იურაშმა.

მართლმადიდებელ ჟურნალისტთა გაერთიანება არა ერთხელ წერდა, რომ ასეთი „გადასვლები“ ხდება ადგილებზე: კანონიკური უკრაინის მართლმადიდებელი ეკლესიის ტაძრებს რეიდერულად იტაცებენ, მოხელეების მიერ, კანონის დარღვევითა და მორწმუნეების სურვილის საწინააღმდეგოდ,  ხშირად ხდება  მისი  გაერთიანებების გადარეგისტრირება უკრაინაში  მართლმადიდებელ  ეკლესიაში.

შეგახსენებთ, მანამდე უკრაინის მართლმადიდებელი ეკლესიის იურიდიულმა განყოფილებამ განაცხადა საკონსტიტუციო სასამართლოზე ზეწოლის შესახებ მინისტრთა კაბინეტის მოხელის ანდრეი იურაშის მხრიდან.