პატრიარქი ბართოლომეოსი: 2025 წელი აღდგომის ერთიანი აღნიშვნის დასაწყისია

რომის პაპი და კონსტანტინოპოლის პატრიარქი ბართოლომეოსი. ფოტო: svoboda.org

კონსტანტინოპოლის საპატრიარქოს ხელმძღვანელმა, პატრიარქმა ბართოლომეოსმა, დასავლელ და აღმოსავლელ ქრისტიანებს მოუწოდა აღდგომა აღნიშნონ ერთად, 2025 წლიდან, იუწყება Orthodox Times. 2025 წელს აღდგომის თარიღები ემთხვევა და პატრიარქ ბართოლომეოსს მიაჩნია, რომ ეს შემთხვევითი არ არის.

„ამ დღეს აღდგომის მარადიული ცნობა უფრო ღრმად ჟღერს, ვიდრე ოდესმე, როდესაც ჩვენი არამართლმადიდებელი ქრისტიანი ძმები და დები ზეიმობენ ჩვენი უფლის მკვდრეთით აღდგომას წმიდა აღდგომის ზეიმით. ჩვენ ვლოცულობთ, რომ მომავალი წლის აღდგომის აღნიშვნა არ იყოს მხოლოდ თარიღის დამთხვევა, არამედ მისი აღნიშვნის ერთიანი თარიღის დასაწყისი როგორც აღმოსავლელი, ისე დასავლელი ქრისტიანობის მიერ“, - განაცხადა მან.

კონსტანტინოპოლის საპატრიარქოს მეთაური ვარაუდობს, რომ დღესასწაულის აღნიშვნა შეიძლება დაემთხვეს პირველი მსოფლიო კრების 1700 წლის იუბილეს, სადაც განიხილებოდა  აღდგომის თარიღის საკითხი.

”ჩვენ ოპტიმისტურად ვართ განწყობილნი, რადგან ორივე მხარე ავლენს კეთილ ნებას ამის გასაკეთებლად,” - თქვა მან.

როგორც მჟკ იტყობინება, რომის პაპი ფრანცისკე და კონსტანტინოპოლის პატრიარქი ბართოლომეოსი განიხილავენ კათოლიკეებისა და მართლმადიდებლებისთვის აღდგომის აღნიშვნის საერთო თარიღს.