გერმანიის ევანგელურ ეკლესიაში უკრაინელმა ქალმა უცნაური ცეკვა იცეკვა

უკრაინელი მოცეკვავე ევანგელურ ეკლესიაში. ფოტო: принтскрин Твиттер

გერმანიაში, ვუპერტალ-ელბერფელდის ევანგელურ საქალაქო ეკლესიაში, უკრაინელმა მოცეკვავემ ტატიანა ზნარომოვსკაიამ შეასრულა უცნაური ცეკვა, რომელიც გადაიცემოდა გერმანულ ტელეარხზე დიდ პარასკევს, იუწყება საინფორმაციო ვებგვერდი Apollo news.

გავრცელებული ინფორმაციით, საეკლესიო მსახურება საეკლესიო მსახურების უფროსმა მრჩეველმა მარტინ ენგელსმა და პასტორმა სიმონე პრეისმა გახსნეს. შემდეგ ენგელსმა მოუხმო უკრაინელ ქალს და გამოაცხადა მისი გამოსვლა: "ბევრი მორწმუნე დაუსვამს საკუთარ თავს კითხვას: "როგორ გამოიყურება ჩემი დიდი პარასკევი? როგორია იგი?" ხშირად "სიტყვები უბრალოდ არ არის საკმარისი". პასტორმა განაგრძო და განმარტა, რომ უკრაინელი ქალი საკუთარ თავს ცეკვით გამოხატავს. „ხალხი საკუთარ თავს ცეკვაში შეიცნობს. ისინი საკუთარ თავს ემოციებში, ფიქრებში შეიცნობენ“.

ამის შემდეგ, ზნარომოვსკაია სცენაზე ავიდა და დაიწყო ცეკვა: ის იგრიხებოდა, მკვეთრ მოძრაობებს აკეთებდა, იატაკზე გაწვა და გორავდა. შემდეგ მოცეკვავემ თეთრი ფხვნილი მიმოფანტა ირგვლივ და სწრაფად დატოვა დარბაზი. მორწმუნეებს და ტელემაყურებლებს უცნაური ცეკვის ახსნა არ მიუღიათ.

როგორც მჟკ იტყობინება, ადრე ცენტრალური გერმანიის ევანგელისტური ეკლესიის სინოდმა აღიარა თავისი დანაშაული ანტისემიტიზმის გაღვივებაში.