„სსო“-ში მუსულმან ჯარისკაცებს ნება დართეს, რომ არ დაიცვან მარხვა რამადანის დროს

კადიროვიელები უკრაინაში. ფოტო: тг-канал Кадырова

რფ-ის მუსულმანთა სულიერი კრების ხელმძღვანელმა, მუფტმა ალბირ კრგანოვმა რფ-ის მუსულმან ჯარისკაცებს, რომლებიც უკრაინაში იბრძვიან, ნება დართო არ დაიცვან მარხვა რამადანის დროს, - იუწყება ТАСС.

„ვლოცულობთ სამხედრო მოსამსახურეთა ჯანმრთელად დაბრუნებისთვის. დიახ, მათ, იმის გათვალისწინებით, თუ სად იმყოფებიან, უფლება აქვთ გამოტოვონ მარხვა და ეს არ იქნება შარიატის დარღვევა“, - თქვა კრგანოვმა.

ამავე დროს, რფ-ის მუსულმანთა სულიერი მმართველობის თავმჯდომარის მოადგილემ, მუფტმა რუშან აბიასოვმა განაცხადა, რომ უკრაინაში დაჭრილ ჯარისკაცებს არ სურთ მარხვის გამოტოვება.

„მაშინაც კი, როდესაც  მკურნალობენ, ისინი ამბობენ, ჩვენ არ გვსურს გამოტოვება, ჩვენ გვსურს მარხვის დაცვა, - თქვა აბიასოვმა. - ამიტომ, თუ მარხვის დაცვა არ გააუარესებს ჯანმრთელობის მდგომარეობას, სამხედრო მოსამსახურე მუსულმანებს შეუძლიათ მარხვის დაცვა. ეს მადლია“.

მანამდე მჟკ წერდა, რომ ყირიმის მუფტებმა და იმამებმა მხარი დაუჭირეს პუტინის წარდგენას რფ-ის პრეზიდენტად.