ჩერნოვიცის ეპარქია: მეუ ჯარისკაცების გასვენებებს პროპაგანდისთვის იყენებს

მეუ-ს «კაპელანები» ანტიტერორისტული ოპერაციის ჯარისკაცებს პოლიტპროპაგანდისთვის იყენებენ. ფოტო: скриншот видео со страницы Черновицко-Буковинской епархии УПЦ в Facebook.

უკრაინის  მართლმადიდებელი  ეკლესიის ჩერნოვიც-ბუკოვინის ეპარქიის მდივანი, არქიმანდრიტი ნიკიტა (სტოროჟუკი) ყვებოდა, რომ ყველამ იცის, მაგრამ რატომღაც არ ამბობენ, რომ უკრაინაში  მართლმადიდებელი  ეკლესიის „კაპელანები“ ჯარისკაცთა გასვენებებს, რომლებიც დაიღუპნენ ანტიტერორისტული ოპერაციებისა და გაერთიანებულ ძალთა ოპერაციების დროს,  იყენებენ როგორც პოლიტიკური პროპაგანდის ხელსაყრელ პლატფორმას, იუწყება ეპარქია თავის Facebook გვერდზე.

„რაც უფრო მეტი გასვენებაა, უკრაინაში  მართლმადიდებელი  ეკლესიის უფრო მეტ „კაპელანს“ შეუძლია ილაპარაკოს პუტინზე, კირილზე, ნაციონალიზაციაზე, ყველა უხარისხო უკრაინელის ციმბირში დეპორტაციაზე და ა.შ. მათ  სიტყვებში არაფერია ნათქვამი არც ქრისტეზე, არც ღვთისმშობელზე, არც დედის ცრემლებზე, არც ცოლის ტირილზე, არც თვით ჯარისკაცის სულზე, რომელიც უკვე ღვთის წინაშე წარსდგა და ჩვენს ლოცვებს ითხოვს“, - თქვა არქიმანდრიტმა. მაგალითად მან მოიყვანა გასვენება სოფელ ჩერეპკივკაში 16 აპრილს, სადაც უკრაინაში  მართლმადიდებელი  ეკლესიის „მღვდლები“ მოვიდნენ დაღუპულთა ოჯახების დაპატიჟების გარეშე, რომ მოაწყონ პოლიტიკური სკანდალი, რომელსაც შემდეგ აქტიურად ავრცელებს მასმედია როგორც მათ „დამსახურებას“. „ეს ფარისევლობისა და ცინიზმის მწვერვალია - რელიგიური ორგანიზაციის შექმნა ჯარისკაცთა საფლავებზე“, - სინანულით აღნიშნა არქიმანდრიტმა ნიკიტამ (სტოროჟუკი).

ჩერნოვიც-ბუკოვინის ეპარქიის მდივანი ყვებოდა, რომ უკრაინაში  მართლმადიდებელი  ეკლესიის „კაპელანები“ თავიანთ პროპაგანდისტულ გამოსვლებში ცრუობენ, რომ უკრაინის  მართლმადიდებელი  ეკლესიის მღვდლები უარს ამბობენ გარდაცვლილთა წესის აგებაზე. „ხშირად ანაფორიანი პროპაგანდისტები ბრალს დებენ, რომ უკრაინის  მართლმადიდებელი  ეკლესიის მღვდლები წესს არ უგებენ ანტიტერორისტული ოპერაციის ჯარისკაცებს. მაგრამ თუ დავუბრუნდებით უკრაინის აღმოსავლეთში საომარი მოქმედებების  დასაწყისს (2014 წელი), სწორედ პირველი გმირები, რომლებიც, სამწუხაროდ, დაიღუპნენ და კუბოებით დაბრუნდნენ სოფელ მიხალჩაში, დავიდოვკაში, სანკოვციში, ისპასში... დასაფლავებულები იყვნენ უკრაინის  მართლმადიდებელი  ეკლესიის კლირიკოსების მიერ“, - ყვებოდა არქიმანდრიტი. მან აღნიშნა, რომ უკრაინის  მართლმადიდებელ  ეკლესიაში სურთ ცოცხლები და ჯანმრთელები იხილონ უკრაინის მიწის შვილები და  ქვეყანაში მშვიდობისთვის ლოცულობენ.

როგორც მართლმადიდებელ ჟურნალისტთა კავშირი იუწყებოდა, უკრაინაში  მართლმადიდებელ  ეკლესიაში „დიაკვნად აკურთხეს“ სნაიპერი, რომელიც „აიდარის“ ბატალიონში იბრძოდა.