საფრანგეთი კონსტიტუციით ამტკიცებს აბორტის უფლებას

საფრანგეთის პარლამენტი. ფოტო: Figaro

2024 წლის 4 მარტს საფრანგეთის პარლამენტის ორი პალატის წევრებმა კენჭი უყარეს კონსტიტუციაში აბორტის უფლების დამტკიცებას, იუწყება France Info. გადაწყვეტილებას მხარი დაუჭირა პარლამენტარების 92%-მა - 924-დან 780-მა.

კონსტიტუციის 34-ე მუხლი შეიცავს ფრაზას: „კანონი განსაზღვრავს იმ პირობებს, რომლითაც განხორციელდება ქალის გარანტირებული თავისუფლება ორსულობის ნებაყოფლობით შეწყვეტის შესახებ“.

აბორტის უფლების კონსტიტუციით გათვალისწინება მოხდება 8 მარტს, ქალთა უფლებების დაცვის საერთაშორისო დღეს, ვანდომის მოედანზე.

პრემიერ-მინისტრმა გაბრიელ ატალმა პირველადი დებატების დროს განაცხადა: „ჩვენ გვაწუხებს მრავალი ქალის ტანჯვა და ხსოვნა, რომლებიც ათწლეულების განმავლობაში იტანჯებოდნენ, რადგან არ იყვნენ თავისუფალნი... ჩვენ ყველა ამ ქალის ვალში ვართ“.

საფრანგეთის პარლამენტის გადაწყვეტილებას ჯანდაცვის მსოფლიო ორგანიზაციის ხელმძღვანელი დადებითად გამოეხმაურა. ჩვენ მივესალმებით საფრანგეთის გადაწყვეტილებას, ქალთა უფლებების დასაცავად და მათი სიცოცხლის გადასარჩენად“, - დაწერა ტედროს ადჰანომ გებრეიესუსმა და დასძინა, რომ „უსაფრთხო აბორტი საზოგადოებრივი ჯანმრთელობის ნაწილია“.

ადრე მჟკ წერდა, რომ საფრანგეთის სენატმა მხარი დაუჭირა კონსტიტუციაში აბორტის უფლების დაფიქსირებას.