უნეტარესი: ღვთისგან შეწევნის მიღებისას, არ დავივიწყოთ მადლიერება

უნეტარესი მიტროპოლიტი ონოფრე. ფოტო: пресс-служба УПЦ

2024 წლის 11 თებერვალს უნეტარესმა ონოფრემ ლავრის ღირსი აღაპიტე მღვიმელის ტაძარში წირვა ჩაატარა, იუწყება უმე-ს საინფორმაციო-საგანმანათლებლო განყოფილება.

წირვაზე ქადაგებისას მიტროპოლიტი ონოფრე ყვებოდა, თუ რატომ არის ასეთი მნიშველოვანი ღვთისადმი მადლიერება იმისთვის, რასაც ჩვენ მისგან ვიღებთ.

„ყოველი ადამიანი ცხივრების განმავლობაში ღმერთს რამეს თხოვს, - თქვა წინამძღოლმა. - უმრავლესობა თხოვს იმას, რაც ყოველდღიურად ესაჭიროება ცხოვრებაში. უფრო სრულყოფილები ლოცულობენ, რომ ღმერთმა მათ ცოდვები მიუტევოს. მათზე უფრო სრულყოფილები კი თხოვენ, რომ ღმერთმა შეიწყალოს ისინი“.

უნეტარესმა ხაზი გაუსვა, რომ ღმერთი სხვადასხვაგვარად ეხმაურება ჩვენს ლოცვებს, ზოგჯერ სწრაფად, ზოგჯერ რამდენიმე წლის შემდეგ, როგორც ეს მართალ იოაკიმე და ანას შემთხვევაში იყო, რომლებიც შვილის ყოლას ევედრებოდნენ.

მან აღნიშნა, რომ როდესაც ჩვენ ჩვენი ლოცვებით ვიღებთ მადლს, არ უნდა დავივიწყოთ  მადლიერება.

„როდესაც ღმერთისგან ვიღებთ წყალობას, რწმენაში უფრო უნდა გავძლიერდეთ და ვადიდოთ უფალი. ასეთ ადამიანებს ღმერთი უკვე ამ ცხოვრებაში განადიდებს“, - თქვა წინამძღოლმა.

მან მორწმუნეებს რწმენაში განმტკიცება, ღვთივსათნო ცხოვრება უსურვა, ლოცვით, მარხვით და კეთილი საქმეებით გამშვენებული.

„თუ ჩვენ ასე მოვიქცევით, უფალი უძლურებისგან განგვკურნავს, ყველაფერში შეგვეწევა, რაც ამ მიწიერ ცხოვრებაში გვესაჭიროება. და რაც მთავარია, ღვთისგან საუკუნო ზეციურ ცხოვრებას მივიღებთ ჩვენს უფალ იესო ქრისტეში“, - თქვა უნეტარესმა ონოფრემ.

მანამდე მჟკ წერდა, რომ 10 თებერვალს უნეტარესმა ონოფრემ ლავრაში სადღესასწაულო მსახურება ჩაატარა.