პუტინის თქმით, მართლმადიდებლობის, ისლამისა და ბუდიზმის ძირითადი თეზისები ერთი და იგივეა

რ.ფ-ის პრეზიდენტი ვ.პუტინი. ფოტო: скриншот Х Карлсона

რუსეთის პრეზიდენტმა ვ. პუტინმა ტაკერ კარლსონთან ინტერვიუში განმარტა, რატომ არის რუსეთის ძირითადი რელიგიები თითქმის იდენტური, აუცილებელია თუ არა ეკლესიების ხშირი მონახულება და როგორ შეიძლება ქრისტიანობისა და ომის შერწყმა. რუსული თარგმანი YouTube არხმა AKIpress news-მა გამოაქვეყნა.

პუტინმა თქვა, რომ „აღმოსავლური ქრისტიანობა ღრმად არის ფესვგადგმული რუსი ხალხის ცნობიერებაში“. მაგრამ როდესაც რუსეთმა „შემოიერთა სხვა ხალხები, რომლებიც ასწავლიან ისლამს, ბუდიზმს და იუდაიზმს“, სახელმწიფო ძალიან ლოიალურად ეპყრობოდა ამ რწმენის მატარებლებს. პუტინის თქმით, ეს გამოწვეული იყო ამ რელიგიების მსგავსებით.

„არსებითად, მთავარი თეზისები, ძირითადი ღირებულებები, ისინი ძალიან ჰგვანან ერთმანეთს, თუ არა ერთნაირია“, - განაცხადა რუსეთის პრეზიდენტმა.

კარლსონი არ დაეთანხმა პუტინს და თქვა, რომ ქრისტიანობა ფუნდამენტურად განსხვავდება სხვა რელიგიებისგან.

„ფაქტია, რომ ქრისტიანობა არ არის ძალადობრივი რელიგია. ქრისტე ამბობს, თუ ერთ ლოყაში დაგარტყეს, მეორე ლოყა უნდა მოუშვირო, არის მცნება „არა კაც ჰკლა“ და ა.შ. როგორ შეიძლება ქვეყნის ლიდერი იყოს ქრისტიანი, თუ მას მოუწევს (ომში - რედ.) სხვა ადამიანის მოკვლა?“ - დაუსვა კითხვა კარლსონმა პუტინს.

მან უპასუხა, რომ ეს მისთვის "ადვილია", რადგან უკრაინის ომი "თავდაცვად" მიაჩნია.

„ჩვენ არავის ვესხმით თავს“, - დაარწმუნა პუტინმა ჟურნალისტი.

„ზოგადად რელიგიაზე“ კომენტირებისას რუსეთის პრეზიდენტმა თქვა, რომ „ეს არ არის გარეგანი გამოვლინებები, ეს არ არის ეკლესიაში ყოველდღე სიარული და იატაკზე თავის დახლა“.

„ის გულშია. ჩვენი კულტურა ადამიანზეა ორიენტირებული“, - განაცხადა პუტინმა.

მანამდე მჟკ წერდა, რომ რუსეთის მართლმადიდებლური ეკლესიის იერარქის თქმით, ღმერთი პუტინის მეშვეობით გადაარჩენს მსოფლიოს.