რმე-ს პუბლიცისტი: უმე-ის მწუხარების დროს ხმამაღლა არ უნდა ვიყვიროთ „ურა“

კიევში ერთ-ერთი დაბომბვის შედეგად დანგრეული კორპუსი. ფოტო: «Апостроф»

მართლმადიდებელი პუბლიცისტი სერგეი ხუდიევი თავის ფეისბუქზე წერს, რომ მსოფლიო ისტორიაში უამრავი მაგალითია, როდესაც ერთი და იგივე ენისა და კულტურის, მაგრამ სხვადასხვა სახელმწიფოს კუთვნილი ადამიანები ერთმანეთს ებრძოდნენ.

ის აღნიშნავს, რომ რუსეთის ამჟამინდელი ომი უკრაინაში იმ ომებისგან განსხვავდება ინტერნეტის არსებონით, „დაპირისპირებული ქვეყნების მაცხოვრებლებს საშუალებას აძლევს უშუალოდ დაუკავშირდნენ ერთმანეთს“.

”და ჩვენი დროის ეს განსაკუთრებულობა საშუალებას აძლევს ყველას უფრო მეტად გაყოს ხალხი - ან არა. დამატებით გამოიწვიოს ადამიანების დაშორება - ან არ გამოიწვიოს. თუ ადამიანის სახლს რაკეტა მოხვდა, ეს თავისთავად დიდი იმედგაცრუებაა - და თუ ამავდროულად ის კითხულობს, თუ როგორ იძახის ინტერნეტში მისი ძველი მეგობარი (და თანამორწმუნე): „ვაშა, ჯავშანი ძლიერია! ჩვენი რაკეტები სწრაფია!" ეს არ ეხმარება მას კულტურული და რელიგიური ერთობის ღირებულებად აღქმაში“, - წერს პუბლიცისტი.

ის აღნიშნავს, რომ ასეთი „პატრიოტული“ კომენტარები არ მოქმედებს საომარი მოქმედებების მიმდინარეობაზე, მაგრამ გავლენას ახდენს გაუცხოების და გაბოროტების ზრდაზე.

„ჩვენ, ეკლესიის წევრებს არ გვაქვს კონტროლი პოლიტიკური ხელმძღვანელობის გადაწყვეტილებებზე - არც ერთს. მაგრამ ჩვენ შეიძლება არ გამოვხატოთ სიცოცხლისთვის ბრძოლის სიგიჟე, აღფრთოვანება და აღტაცება. იმ მძიმე მწუხარების დროს, რომელსაც განიცდის უმე-ის წევრები, ჩვენ ხომ შეგვიძლია არ ვიყვიროთ „ვაშა“ ძალიან ხმამაღლა“, - აღნიშნა ხუდიევმა და დასძინა, რომ „ამით ჩვენ, თუ ვერ დავეხმარებით იმ წმინდა რუსეთის შენარჩუნებაში, მაშინ მის გამანადგურებლებს შორის მაინც არ ვიქნებით“.

მჟკ წერდა, რომ 1 იანვარს კიევმა გლოვა გამოაცხადა დაბომბვის შედეგად დაღუპულთა ხსოვნის პატივსაცემად.