უმე-ს წევრი, რომელიც ს. ზადუბროვკაში სცემეს,დაწვრილებით ყვებოდა თავდასხმაზე

უმე-ს წმინდა მიქაელის სახელობის ტაძრის მრევლი სოფელ ზადუბროვკაში ვასილი ხაშიუკი . ფოტო: скриншот видео youtube-канала «Свидетель НТН».

ჩერნოვიცკის ოლქის სოფელ ზადუბროვკაში სასტიკად ნაცემი 63 წლის ვასილი ხაშჩიუკი, უკრაინის მართლმადიდებელი ეკლესიის ადგილობრივი წმინდა მიქაელის ტაძრის წევრი  დაწვრილებით ყვებოდა მასზე ახალგაზრდების თავდასხმის შესახებ და მათი მოქმედების მოტივად მიიჩნევს უკრაინაში  მართლმადიდებელი ეკლესიის მომხრეთა მიერ პროვოცირებულ რელიგიურ კონფლიქტს სოფელში, ნათქვამია რეპორტაჟში, რომელიც გამოქვეყნებულია youtube-არხზე «Свидетель НТН».

ვასილი იხსენებს, რომ მას აეკიდნენ 17-19 წლის ახალგაზრდები, რომლებიც აღშფოთდნენ იმის გამო, რომ ის მათ არ მიესალმა და უარი თქვა მათთან ერთად დალევაზე. ხანდაზმული კაცის ახსნამ, რომ ის დილით უნდა წავიდეს სამსახურში, ისინი არ დააკმაყოფილა,  ამიტომ  ისინი  ერთობლივად  თავს დაესხნენ  მას. „უცებ დაიწყეს, წავიდეთ, დავლიოთ. ვუთხარი: დილით ადრე სამსახურში უნდა წავიდე. წამოვედი და მესმის, რომ მომსდევენ. წამაქციეს და მცემეს“, - ყვებოდა დაზარალებული. ის დარწმუნებულია, რომ თავდასხმა  პროვოცირებული იყო რელიგიური მოტივებით.

დაზარალებულის ცოლის, მარია ხაშჩიუკის სიტყვებით, მისი ქმარი სახლში საშინელ მდგომარეობაში მოიყვანეს, სახე სულ სისხლში ჰქონდა და მთლიანად ის ტალახში იყო ამოსვრილი. ქალმა თქვა: არ ვიცოდი რა მექნა, ჯერ სისხლი ჩამომერეცხა თუ ტალახი. „თავი და სახე ფეხბურთის ბურთივით ჰქონდა, თავიდან ფეხებამდე ჭაობში იყო“, - ყვებოდა მარია. საავადმყოფოში ექიმებმა მის ქმარს ტვინის შერყევა დაუდგინეს, სახე და თავი სულ დაბეჟილი ჰქონდა, სამკურნალოდ  გაუშვეს ნევროლოგთან, ოკულისტთან, ყბა-სახის ქირურგთან. ვასილის თავდამსხმელებზე მან თქვა, რომ მისი შვილების ადგილზე ისურვებდა მათ ნახვას: „მათი მამა რომ ეცემათ ასე და ეთრიათ მიწაზე, მინდა იგივე განიცადონ, რასაც ახლა ჩემი შვილები განიცდიან“.

პოლიციის რაიონული სამმართველოს წარმომადგენელმა НТН ჟურნალისტებტან კომენტარში გადმოსცა თავდამსხმელთა განცხადებები იმის შესახებ, რომ ისინი მთვრალები იყვნენ, არ მიიღეს  მათთან დალევაზე უარი და ამიტომ დაუწყეს მოხუც კაცს ცემა. მაგრამ ეს  ვერსია მიუღებელია  როგორც თავად ვასილ  ხაშჩიუკისთვის, ასევე მისი თანასოფლელებისთვისაც. ზადუბროვკის წმინდა მიქაელის ტაძრის წევრი ვლადიმერ შვეიკო ამბობს, რომ სოფელი გაყოფილია ორ ნაწილად - უკრაინის მართლმადიდებელი ეკლესიის მომხრეებად და უკრაინაში  მართლმადიდებელი ეკლესიის მომხრეებად, რაც იწვევს კონფლიქტებს რელიგიურ საფუძველზე: „გვინდა ჩვენ ეს თუ არ გვინდა, ამ სიტუაციასთან დაკავშირებით სოფელი გაიყო  და ყველაფერს რაც ხდება რელიგიური საფუძველი აქვს“.

ადგილობრივი პოლიცია ამ თავდასხმას ზადუბროვკაში იძიებს როგორც სხეულზე განზრახ მიყენებული  დაზიანებების საქმეს.

როგორც მართლმადიდებელ ჟურნალისტთა კავშირი იუწყებოდა, ზადუბროვკაში ნაცემი მორწმუნე კაცის ოჯახს თავდამსხმელთა დასჯაში ეჭვი ეპარება.