უგანდა აშშ-ს ლგბტ ადამიანების პოპულარიზაციისთვის ზეწოლაში ადანაშაულებს

უგანდის საგარეო საქმეთა მინისტრი ჰენრი ოკელო ორიემი. ფოტო: theinvestigatornews.com

უგანდის მთავრობამ დაადანაშაულა ვაშინგტონი ზეწოლაში, რათა პროპაგანდა გაუწიონ ლგბტ დღის წესრიგს აღმოსავლეთ აფრიკის ქვეყანაში და მთლიანად აფრიკაში. ეს მოხდა მას შემდეგ, რაც შეერთებულმა შტატებმა ახალი სავიზო სანქციები დააწესა 2023 წლის 4 დეკემბერს უგანდის ხელისუფლების წარმომადგენლების მიმართ „უგანდაში დემოკრატიული პროცესის შელახვისა და ადამიანის უფლებების, მათ შორის ლგბტ თემის უფლებების დარღვევისთვის“, წერს insiderpaper.com.

უგანდელ ჩინოვნიკებზე ამერიკული ვიზების გაცემის აკრძალვის მიზეზი ქვეყნის პრეზიდენტის მიერ მიმდინარე წლის მაისში ხელმოწერილი კანონი გახდა, რომელიც ერთსქესიანთა ურთიერთობებსა და მათ პროპაგანდას მკაცრ ჯარიმებს ითვალისწინებს.

უგანდის საგარეო საქმეთა მინისტრმა ჰენრი ოკელო ორიემმა განუცხადა უგანდის საგარეო საქმეთა მინისტრს - ,, ეჭვგარეშეა, რომ შეერთებულ შტატებსა და დასავლეთში ზოგიერთ ჯგუფს აქვს დღის წესრიგი აფრიკისთვის და, კერძოდ, უგანდასთვის, დახმარებისა და კრედიტის გამოყენებით გვაიძულონ მივიღოთ ერთსქესიანთა ქორწინება’’.

მან ხაზგასმით აღნიშნა, რომ „არანაირ დახმარებას არ შეუძლია შეცვალოს უგანდის განვითარების დღის წესრიგი“.

„არსებობენ სხვა საერთაშორისო პარტნიორები და ქვეყნები, რომლებიც პატივს სცემენ ჩვენს განვითარების დღის წესრიგს მოგზაურობისა და სავაჭრო ურთიერთობებისთვის პირობების შექმნის გარეშე“, - დასძინა მინისტრმა.

როგორც მჟკ იტყობინება, უგანდაში მიღებული კანონი სახელწოდებით „ანტიჰომოსექსუალური აქტი“ ითვალისწინებს უვადო თავისუფლების აღკვეთას ერთსქესიანი წყვილებისთვის. ჰომოსექსუალური ურთიერთობა „დამძიმებულ გარემოებებში“ – როგორიცაა აივ/შიდსი ან სხვა განუკურნებელი დაავადება, ერთსქესიანი კონტაქტი არასრულწლოვანთან ან შშმ პირთან – სიკვდილით დასჯას ითვალისწინებს. ჰომოსექსუალიზმის პროპაგანდა ითვალისწინებს 20 წლით თავისუფლების აღკვეთას, ხოლო „ერთსქესიანი ქმედებების ჩადენის მცდელობას“ – 10 წლამდე.

Insiderpaper.com აღნიშნავს, რომ „კანონს აქვს ფართო მხარდაჭერა კონსერვატიულ ქვეყანაში, სადაც კანონმდებლები იცავენ ზომებს, როგორც აუცილებელ თავდაცვას დასავლური უზნეობისაგან“.

მას შემდეგ, რაც ანტიჰომოსექსუალიზმის აქტი შევიდა ძალაში, აშშ-ს პრეზიდენტმა ჯო ბაიდენმა განცხადება გააკეთა უგანდაში ხელისუფლების წარმომადგენლების წინააღმდეგ სანქციების შესაძლო შემოღების შესახებ, ასევე ამ ქვეყნისთვის დახმარების შემცირებისა და მის ეკონომიკაში ინვესტიციების შემცირების შესახებ.

ივნისში ვაშინგტონმა დააწესა პირველი სავიზო შეზღუდვები უგანდის ოფიციალურ პირებზე, ხოლო აგვისტოში მსოფლიო ბანკმა განაცხადა, რომ აჩერებს ახალ სესხებს უგანდას კანონის გამო, რომელიც "ძირითადად ეწინააღმდეგება ამერიკელი კრედიტორების ღირებულებებს".