იერუსალიმის პატრიარქმა პირობა დადო, რომ ამანის შეხვედრის ფორმატი გაგრძელდება

პატრიარქი თეოფილე. ფოტო: pravoslavie.ru

იერუსალიმის პატრიარქმა თეოფილემ მოსკოვის პატრიარქ კირილისადმი მიწერილ წერილში პირობა დადო, რომ გააგრძელებს ძალისხმევას მართლმადიდებლობის ერთიანობის მისაღწევად.

რუსეთის მართლმადიდებლური ეკლესიის მეთაურისადმი მიწერილ წერილში პატრიარქმა თეოფილემ ხაზი გაუსვა იერუსალიმის საპატრიარქოს როლს მართლმადიდებლობის ერთიანობის საკითხში.

„მიუხედავად იმისა, რომ ჩვენ ყველაფერს ვაკეთებთ იმისათვის, რომ მხარი დავუჭიროთ და ვემსახუროთ ჩვენს ხალხს აქ, ჩვენ ერთგული ვართ ჩვენი სულიერი მისიის - შევინარჩუნოთ მართლმადიდებლური ეკლესიის ერთიანობა და გავაკეთოთ ყველაფერი, რათა დავეხმაროთ რუსეთსა და უკრაინაში ჩვენს მართლმადიდებელ ძმებს შორის არსებული განხეთქილების განკურნებას“, - წერს პატრიარქი თეოფილე.

მან ხაზგასმით აღნიშნა, რომ „იერუსალიმის საპატრიარქო ყოველთვის ავლენდა განსაკუთრებულ ზრუნვას ეკლესიის ერთიანობის მიმართ და მოქმედებდა საუკუნეების მანძილზე იქ, სადაც ამის საჭიროება იყო“.

„ჩვენ ყველა ღონეს ვიხმართ, რომ შევინარჩუნოთ ეს შესაძლებლობა და ყველანაირად დავუჭიროთ მხარი შერიგების გზას, რომელიც დავიწყეთ ამანში, ყველა ჩვენი ძმის - მართლმადიდებელი წინამძღოლების მიმართ“, - წერს პატრიარქი თეოფილე.

მჟკ წერდა, რომ პატრიარქი თეოფილე მზადაა გახდეს შუამავალი მართლმადიდებლური ეკლესიების შერიგებაში.