უმე-ს მმართველი: ჩვენ თავს გვახვევენ მართლმადიდებლობის დამახინჯებულ ასლს

უმე-ს საქმეთმმართველი მიტროპოლიტი ანტონი (პაკანიჩი).ფოტო : vesti.ua

ჩვენს თვალწინ იქმნება მსოფლიო მართლმადიდებლობის არასრულყოფილი და მავნე ასლი, ხაზი გაუსვა  უკრაინის  მართლმადიდებელი ეკლესიის საქმეთა მმართველმა, ბორისპოლისა და ბროვარის მიტროპოლიტმა ანტონმა (პაკანიჩმა) Vesti.ua-თან ინტერვიუში.

მიტროპოლიტის აზრით, „სრულიად მართლმადიდებლური ერთობა, როგორც უტყუარი ფაქტი, აღარ არსებობს“ და „ახლა  ჩვენს თვალწინ იქმნება მსოფლიო მართლმადიდებლობის არასრულყოფილი და მავნე ასლი“.

„ამ პარალელურ სისტემაში ყველაფერი გადაგვარებული და დამახინჯებულია, - განმარტა მან. - კერძოდ, ნორმალურად  ითვლება განხეთქილებაში მყოფთა ლეგალიზაცია, მსახურება პირებთან, ვინც სინამდვილეში ხელდასხმული არ არის, საეკლესიო მმართველობის კრებითი ფორმატის უგულებელყოფა.

აქედან გამომდინარე, დაამატა უკრაინის  მართლმადიდებელი ეკლესიის საქმეთა მმართველმა, მსოფლიო მართლმადიდებლობაში არსებული კრიზისი უნდა განვიხილოთ არა როგორც მხოლოდ  დაპირისპირება „ბერძნულ“ და „სლავურ“ სამყაროთა შორის ან ადმინისტრაციული საეკლესიო საზღვრებისთვის ბრძოლა - „ყველაფერი უფრო რთულად  და მწვავედ არის“.

„ფაქტიურად ხდება დიდი განხეთქილება, რომელიც აზარალებს სულ უფრო მეტ ადგილობრივ ეკლესიას. სწორედ ამიტომ ახლანდელი კრიზისის არსი შეიძლება დავიყვანოთ ბრძოლაზე იმათ შორის, ვისაც სურს შექმნას თავისი, მოხერხებული და საკუთარ ინტერესებთან შესაბამისი მართლმადიდებლობის ვერსია და ვისაც სურს მართლმადიდებლობისადმი ერთგულების შენარჩუნება“, - ხაზი გაუსვა მიტროპოლიტმა ანტონმა.

შეგახსენებთ, რომ ადრე უკრაინის  მართლმადიდებელი ეკლესიის საქმეთა მმართველმა განაცხადა, რომ სრულიად მართლმადიდებლური ერთობა დაინგრა პატრიარქ ბართლომეს მთავრობის მოყვარეობის გამო.