ნიკარაგუაში 12 რკე-ს სასულიერო პირი გაათავისუფლეს ციხიდან და გაგზავნეს ვატიკანში

ნიკარაგუას მთავრობა აკავებს კათოლიკე სასულიერო პირებს. ფოტო: kath.net

ნიკარაგუას მთავრობამ ოთხშაბათს გამოაცხადა, რომ გაათავისუფლა 12 დაკავებული კათოლიკე მღვდელი ციხიდან და გაგზავნა ისინი ვატიკანში წმინდა საყდართან მიღწეული შეთანხმების შემდეგ, იტყობინება infovaticana.com.

ხელისუფლების მიერ გათავისუფლებულ 12 კათოლიკე მღვდელს შორის არ არის მატაგალპას კათოლიკე ეპისკოპოსი როლანდო ალვარესი, რომელსაც დანიელ ორტეგას მთავრობამ 26 წლითა და ოთხი თვით თავისუფლების აღკვეთა მიუსაჯა გასულ თებერვალში.

ნიკარაგუის ხელისუფლებამ განაცხადა, რომ რკე-ის მღვდლები, რომლებსაც დევნიდნენ სხვადასხვა მიზეზის გამო, რომში გაემგზავრნენ ოთხშაბათს ნაშუადღევს და იქ მიიღებს ვატიკანის სახელმწიფო სამდივნო.

ნიკარაგუა ამტკიცებს, რომ მღვდლების გადაცემა შესაძლებელი გახდა "წმინდა საყდართან ნაყოფიერი მოლაპარაკებების შემდეგ" და დადებული შეთანხმების ფარგლებში "მშვიდობის შესანარჩუნებლად და კათოლიკური თემის მხარდასაჭერად".

მხოლოდ გასულ წელს, ნიკარაგუას მთავრობამ დახურა მინიმუმ შვიდი რადიოსადგური და ხუთი უნივერსიტეტი, რომლებიც დაკავშირებულია კათოლიკურ ეკლესიასთან, აკრძალა რელიგიური მსვლელობები და საჯარო შეკრებები რელიგიურ დღესასწაულებზე.

რკე-ს ეპისკოპოსმა როლანდო ალვარესმა, დანიელ ორტეგას სანდინიის მთავრობის კრიტიკოსმა, გასული წლის 9 თებერვალს უარი თქვა თვითმფრინავში ასვლაზე, სადაც 222 ოპოზიციის დაპატიმრებული წევრი იმყოფებოდა, რომლებსაც შეერთებულ შტატებში ასახლებდნენ.

ამის შემდეგ დანიელ ორტეგამ დაადასტურა ეს ინფორმაცია და ეპისკოპოს ალვარესს "ამაყი" და "გიჟი" უწოდა და ციხეში ჩასვა.

მჟკ წერდა, რომ ნიკარაგუას პრეზიდენტმა კათოლიკური ეკლესია გადატრიალების მცდელობაში დაადანაშაულა, მოგვიანებით კი, ქვეყნის ხელისუფლების წინააღმდეგ პროტესტის გამო, რკე-ს უნივერსიტეტი დაიხურა.