ალბანეთის ეკლესიაში ფანარიონის მასმედიის ფეიკი უარყვეს

ფილომიელის ეპისკოპოსი თეოფანე (მარჯვნიდან მეიორე) ფანარის იერარქებთან და მეთაურთან ერთად. ფოტო: ekirikas.com

ალბანეთის მართლმადიდებელ ეკლესიაში უარყვეს ფანარიონის მასმედიის ფეიკი, რომელიც ეხება კონსტანტინოპოლის პატრიარქ თეოფანეს (კოის).

ალბანეთის ეკლესიის პრეს-სამსახურმა გამოაქვეყნა კომენტარი ფანარიონის  გამოცემაზე  fosfanariou.gr «Ντοκουμέντο: Όταν ο Αλβανίας Αναστάσιος ονόμαζε τον Φιλομηλίου Θεοφάνη "αγαπημένο αδελφό"» (დოკუმენტი: როდესაც ანასტასი ალბანელმა თეოფანე ფილომიელს „საყვარელი ძმა“ უწოდა). ალბანეთის ეკლესიაში აღნიშნეს, რომ არქიმანდრიტი თეოფანე კოია, „რუმინეთში ხელდასხმული, ელსაბანში მის მიერ განხორციელებული განხეთქილების ქმედებების ჩაშლის შემდეგ (1995 წ.), ალბანეთის ეკლესიისთვის პირველ კრიტიკულ წლებში აშშ-ში დასახლდა“.

აშშ-ში თეოფანე რუმინულ სამრევლოს შეუერთდა, რომელიც ამერიკაში მართლმადიდებელი ეკლესიის (ამე) იურისდიქციის ქვეშ იმყოფება „და ბოდიში არც კი მოუხდია მის მიერ განხორციელებული განხეთქილების ქმედებების გამო, რომელთა შედეგები დღემდე გრძელდება“.

„2019 წლის 8 სექტემბერს, ამერიკაში ჩამოსვლისთანავე, ის ესტუმრა ტირანას, თავისი დაბადების ადგილს. მაშინ მას, როგორც  უკვე სხვა მართლმადიდებლური ავტოკეფალური ეკლესიის - რუმინეთის, კლირიკოსს თავაზიანად მიესალმნენ, პატივი დასდეს და ნება დართეს ემსახურა, სიტყვისსაებრ ღმრთისა (მთ. 5:44)“, - ყვებოდნენ ალბანეთის ეკლესიაში.

თუმცა, წერენ პრეს-რელიზში, „როდესაც საბოლოოდ  გახდა ცნობილი, რომ 2020 წლის 9 აგვისტოს ტირანაში ვიზიტის დროს ის გამოდიოდა უკვე როგორც პრეტენდენტი ამე-ს ალბანეთ-ამერიკის სამრევლოების მიტროპოლიტის წოდებაზე, გარდაცვლილი მიტროპოლიტის ნიკონ ლიოლინის მემკვიდრედ, ის არ დაუშვეს თანამსახურებაზე ალბანეთის ეკლესიის წარმომადგენლებთან ერთად.

გარდა ამისა, როდესაც ამე-ში მიიღეს ინფორმაცია 1995 წ. თეოფანე კოიას განხეთქილების ქმედებების შესახებ, მისი საეპისკოპოსო ქიროტონია არ შედგა.

მაშინ მან მიმართა აშშ-ში ფანარიონის საეგზარქოსოს და ამის შემდეგ არჩეული იყო ჩრდილოეთ ამერიკის ალბანური მართლმადიდებლური სამრევლოების კონსტანტინოპოლის პატრიარქის დამხმარე ეპისკოპოსად, მან  ამ პოსტზე შეცვალა განსვენებული მიტროპოლიტი ილია (კატრე), რომელიც აშკარად გამოდიოდა მაშინ ჯერ კიდევ არქიმანდრიტ თეოფანე კოიას განხეთქილების ქმედებების წინააღმდეგ.

ალბანეთის ეკლესიაში ხაზი გაუსვეს, რომ ფოტო, რომელიც ფანარიონის  გამომცემლობამ წარმოადგინა თავის პუბლიკაციაში იმის „დასამტკიცებლად“, რომ ალბანეთის ეკლესიის წინამძღოლი კარგ ურთიერთობაში იყო არქიმანდრიტ თეოფანესთან, „გადაღებულია არა ალბანეთში, არამედ უნეტარეს არქიეპისკოპოს ანასტასის ვიზიტის დროს ბოსტონში“.

ზუსტად ასევე, ალბანეთის ეკლესიაში აუხსნეს ფანარიოტელებს, რომ აუდიოჩანაწერი, სადაც არქიეპისკოპოსი ანასტასი თეოფანეს „საყვარელ ძმას“ უწოდებს, არანაირად არ ხსნის თეოფანეს პასუხისმგებლობას მისი „სერიუზული გადაცდომების“ გამო.

„მოყვანილი ფაქტები უტყუარი მოწმობაა იმისა, თუ როგორ მოქმედებს ეს კლირიკოსი თავისი პირადი მიზნებისთვის, რასაც ნეგატიური შედეგი აქვს ალბანეთის მართლმადიდებელი ეკლესიისთვის“, - ნათქვამია პრეს-სამსახურის განცხადებაში.

მანამდე მჟკ წერდა, რომ ფანარიონში ხელდასხმულია ეპისკოპოსი, რომელსაც ალბანეთის ეკლესია განხეთქილებაში სდებს ბრალს.

მოგვიანებით, 2023 წლის 25 ივლისს ფანარიონის  წმინდა გიორგის ტაძარში კონსტანტინოპოლის საპატრიარქოს ფილომილიის ეპისკოპოსმა თეოფანემ (კოიამ) კათოლიკური მრწამსი წაიკითხა.