რადაში უმე-ს აკრძალვისთვის საჭირო ხმების რაოდენობა მოაგროვეს

უკრაინის უმაღლესი რადა. ფოტო: golos.com.ua

ფრაქცია "ხმის" სახალხო დეპუტატმა იულია კლიმენკომ 226 ხელმოწერა შეაგროვა უმაღლესი რადას სპიკერის რუსლან სტეფანჩუკისადმი მიმართვით, რომელიც მოითხოვს პარლამენტს განსახილველად წარედგინოს კანონპროექტი No8371, რომელიც კრძალავს უმე-ს. ამის შესახებ კლიმენკომ ფეისბუქის საკუთარ გვერდზე დაწერა.

შეგახსენებთ, იმისთვის, რომ კანონპროექტი პირველი მოსმენით მიღებულ იქნეს, მას მხარი არანაკლებ 226-მა დეპუტატმა უნდა დაუჭიროს.

სახალხო დეპუტატების მიმართვაში ნათქვამია, რომ უმე-ის აკრძალვა, სავარაუდოდ, „შეესაბამება საერთაშორისო სამართლის ნორმებს სინდისის თავისუფლების, რელიგიური ორგანიზაციების საქმიანობისა და უკრაინის საერთაშორისო ვალდებულებებს“.

შეგახსენებთ, რომ პარტია ,,ევროსოლიდარობის’’ სახალხო დეპუტატმა ირინა გერაშენკომ განაცხადა, რომ უკრაინის მოკავშირეებმა შეშფოთება გამოხატეს უმე-ის აკრძალვის გამო.

როგორც მჟკ იტყობინება, რადას ჰუმანიტარული და საინფორმაციო პოლიტიკის კომიტეტის ხელმძღვანელმა მოუწოდა დეპუტატებზე ზეწოლისკენ, რათა აიძულონ ისინი უმე-ს აკრძალვას დაუჭირონ მხარი.