რმე-ს პატრიარქმა არქიმანდრიტ კირილს (გოვორუნს) მსახურება აუკრძალა

რმე-ს არქიმანდრიტი მეუ-ს მღვდლებთან ერთად (ცენტრში) ,,მსახურებაზე''. ფოტო: ФБ Ивана Сидора

2023 წლის 25 სექტემბერს რუსეთის მართლმადიდებელი ეკლესიის პატრიარქმა კირილმა № У-02/152 განკარგულებით აუკრძალა არქიმანდრიტ კირილს (გოვორუნს) მსახურება, იუწყება რუსეთის მართლმადიდებელი ეკლესიის მოსკოვის ეპარქიის ვებგვერდი.

განკარგულების ტექსტში ნათქვამია, რომ გოვორუნმა არაერთხელ დაარღვია „რუსეთის მართლმადიდებლური ეკლესიისადმი ერთგულების წერილობითი ვალდებულება“, რომელიც „სხვა საკითხებთან ერთად გამოიხატებოდა კონსტანტინოპოლის ეკლესიის ეპისკოპოსებთან და სასულიერო პირებთან ერთად მსახურებაში, რომელთანაც წმინდა სინოდის გადაწყვეტილებით, ევქარისტიული ზიარება შეწყდა უკრაინის მართლმადიდებელი ეკლესიის კანონიკურ ტერიტორიაზე უხეში შეჭრის გამო“.

რუსეთის მართლმადიდებლური ეკლესიის პატრიარქს არ უხსენებია გოვორუნის მსახურება მეუ-ს სასულიერო პირებთან.

არქიმანდრიტის საქმე მოსკოვის ეპარქიის საეპარქიო სასამართლოში განიხილება. სანამ საქმე განიხილება გოვორუნს აეკრძალა მსახურება, კასოსა და სამღვდელო ჯვრის ტარება და სამღვდელო კურთხევის მიცემა.

შეგახსენებთ, რომ 2023 წლის 13 აგვისტოს გოვორუნი მსახურობდა კიევის წმინდა ანდრიას ეკლესიაში ფანარის ეგზარქოსთან, ეპისკოპოს მიხაილთან (ანიშენკო) ერთად.

მანამდე მჟკ წერდა, რომ 2020 წელს გოვორუნი მსახურობდა კიევის წმინდა სოფიას ეკლესიაში მეუ-ს „მღვდლებთან“.