რუსეთის შესახებ რომის პაპის სიტყვებს უკრაინის რკე-ის მთავარი ეპისკოპოსი გამოეხმაურა

კათოლიკე ეპისკოპოსი ვიტალი სკომაროვსკი. ფოტო: 12kanal.com

უკრაინის რომის კათოლიკური ეკლესიის ეპისკოპოსთა კონფერენციის ხელმძღვანელმა ვიტალი სკომაროვსკიმ განაცხადა, რომ პაპ ფრანცისკეს სიტყვებმა რუსეთის სიდიადეზე, რომელიც  რუსეთის ფედერაციის ახალგაზრდა კათოლიკებთან საუბრისას წარმოთქვა, „დიდი გაუგებრობა და გულისტკივილი გამოიწვია მორწმუნეებს შორის უკრაინაში და მის ფარგლებს გარეთ“. სკომაროვსკის განცხადება უკრაინის რმე-ის ვებ-გვერდმა გამოაქვეყნა.

ეპისკოპოსის თქმით, ვატიკანის მეთაურის მიმართვა „მთლიანად იყო მოძღვრის მხარდაჭერა მორწმუნეების მიმართ, სულიერი მამის შვილებისადმი, მაგრამ „დიდი რუსეთის“ ხსენება თავისი დიდებული კულტურით და კაცობრიობით, სამწუხაროდ, მოწმობს სახელმწიფოს ჰუმანიზმისა და სიდიადე მითის არსებობის გარძელებაზე, რომელიც 9 წელია აწარმოებს სისხლიან და სასტიკ ომს უკრაინის წინააღმდეგ“.

„ზემოხსენებული განცხადებები ჩვენთვის მტკივნეულია და იწვევს შეშფოთებას“, - აღნიშნა სკომაროვსკიმ. „ჩვენ უარვყოფთ და მიუღებლად მივიჩნევთ „რუსული სამყაროს“ მხარდაჭერის ნებისმიერ გამოვლინებას, რომელმაც ამდენი ტკივილი და ტანჯვა მოუტანა ჩვენს მიწას და ჩვენს ოჯახებს’’.

ამავე დროს, კათოლიკე ეპისკოპოსი ამტკიცებს, რომ „პონტიფიკოსი არ უჭერს მხარს იმპერიალიზმს და მის აგრესიულ გეგმებს და ყველაფერს გააკეთებს მათ შესაჩერებლად“.

სკომაროვსკის თქმით, „ასეთი გაუგებრობები გამოწვეულია რომის პაპსა და უკრაინას შორის საეკლესიო და დიპლომატიურ დონეზე დიალოგის ნაკლებობით“.

„ვიმედოვნებთ, რომ უკრაინული საზოგადოების რეაქცია ზემოხსენებულ სიტყვებზე ხელს შეუწყობს სიტუაციის გამოსწორებას და მომავალში გაუგებრობების თავიდან აცილებას. მოვუწოდებთ ჩვენს მორწმუნეებს და კეთილი ნების ადამიანებს, არ შემოიფარგლონ წმინდა მამის ცალკეული განცხადებებით, არამედ შეამჩნიონ მისი სოლიდარობა უკრაინის მიმართ მის ქმედებებში“, - განაცხადა რმე-ის წარმომადგენელმა.

მან კათოლიკეებს მოუწოდა „ლოცვებში მოიხსენიონ პაპი ფრანცისკე, მისთვის სულიწმიდის მადლის მისაღებად, რათა მისმა სიტყვებმა ხსნა მოიტანოს და ყველასთვის გასაგები იყოს“.

როგორც მჟკ იტყობინება, ახალგაზრდა რუს კათოლიკეებთან ონლაინ შეხვედრისას, რმე-ის ხელმძღვანელმა მათ უწოდა "დიდი დედა რუსეთის მემკვიდრეები - განმანათლებლური იმპერია, დიდი კულტურისა და დიდი კაცობრიობის ქვეყანა". პაპმა მოუწოდა „არასოდეს დაივიწყოთ ეს მემკვიდრეობა“ და არ უარყოთ იგი.

უბკე-ის ხელმძღვანელმა სვიატოსლავ შევჩუკმა განაცხადა, რომ უნიატები ვატიკანისგან განმარტებას ელოდებიან ამ განცხადებებთან დაკავშირებით.

უკრაინის საგარეო საქმეთა სამინისტრომ განაცხადა, რომ „სწორედ ასეთი იმპერიალისტური პროპაგანდით <...> ამართლებს კრემლი ათასობით უკრაინელის მკვლელობას და ასობით უკრაინული ქალაქისა და სოფლის განადგურებას“.