ჩერკასის ეპისკოპოსი სასამართლოში: საქმე შეთხზულია, ჩემი სახით ეკლესიას დევნიან

ჩერკასის ეპარქიის მმართველი ეპისკოპოსის გამოსვლა სასამართლო სხდომაზე. ფოტო: страница епархии в Facebook

2023 წლის 21 აგვისტოს ჩერკასის სოსნოვსკის რაიონული სასამართლოს სხდომაზე ჩერკასისა და კანევის მიტროპოლიტმა ფეოდოსიმ განაცხადა, რომ მის წინააღმდეგ აღძრული სისხლის სამართლის საქმე ხელოვნურად იყო შეთხზული და უკრაინის მართლმადიდებელი ეკლესიის დევნის გამოვლინებაა.

„მიუხედავად იმისა, რომ ბრალდება არის აღძრული ცალკეული პირის წინააღმდეგ, მთელი ეს სისხლის სამართლის საქმე ხელოვნურად არის შეთხზული ჩემს წინააღმდეგ, ზუსტად ისე, როგორც უკრაინის მართლმადიდებლური ეკლესიის მიტროპოლიტის, ჩერკასის ეპარქიის წინამძღვრის წინააღმდეგ“, - განაცხადა ეპისკოპოსმა. - ეს სისხლის სამართლის პროცესი მიმდინარეობს ჩვენს სახელმწიფოში უკრაინის მართლმადიდებლური ეკლესიის და კერძოდ ჩერკასის ეპარქიის მიმართ მიმდინარე დევნის ფარგლებში. როგორც ინდივიდი, როგორც უკრაინის მოქალაქე, მე პირადად მათთვის (ბრალმდებლები - რედ.)  ნაკლებად საინტერესო ვარ. ჩემი სახით დევნიან ეკლესიას და ახლა მე წარმოვადგენ ეკლესიას სასამართლოში. უკრაინაში დისკრიმინირებულ და დევნილ უკრაინის მართლმადიდებლურ ეკლესიას.

მიტროპოლიტის თქმით, ის „არ ცნობს და ვერ ცნობს უკრაინის უშიშროების სამსახურის ბრალდებებს, რადგან ისინი სრულიად ხელოვნურად შეთხზული და გაყალბებულია“.

მეუფემ აღნიშნა, რომ SBU მას სისხლის სამართლის კოდექსის ორი მუხლის დარღვევას ედავება.

„პირველი და უფრო სერიოზული - 436-2 მუხლის (მე-2 და მე-3 ნაწილები) მიხედვით - იმის გამო, რომ თითქოს ბრძანება გავეცი ექსტრემისტული ხასიათის მასალების გამოქვეყნებას ჩერკასის ეპარქიის ოფიციალურ ვებგვერდზე. მაგრამ მე არასოდეს მიმიცია ასეთი ბრძანება და არც ვაპირებდი ამის გაკეთებას. ეს განცხადება სრულიად მცდარია და არანაირად არ შეესაბამება სიმართლეს. პროკურატურას კი არ აქვს და პრინციპში არც ექნება რაიმე ფაქტი, მტკიცებულება საპირისპიროს დასამტკიცებლად. უკრაინის სისხლის სამართლის კოდექსის ამ მუხლით ჩემს მიმართ ბრალდებები თავიდან ბოლომდე შეთითხნილია“, - განაცხადა მიტროპოლიტმა.

SBU-მ ეპისკოპოსს კიდევ ერთი ბრალდება წაუყენა სისხლის სამართლის კოდექსის 161 მუხლის 1 ნაწილით (რელიგიური მტრობისა და სიძულვილის წაქეზება, მოქალაქეთა გრძნობების შეურაცხყოფა მათ რელიგიურ მრწამსთან დაკავშირებით, უფლებების პირდაპირი ან ირიბი შეზღუდვა ან მოქალაქეთა პირდაპირი ან ირიბი პრივილეგიების დაწესება რელიგიური მრწამსის საფუძველზე).

„ამ ბრალდებას დღეს მთელი სერიოზულობით იყენებენ ისეთ ვითარებაში, როდესაც თავისთავად უკრაინის მართლმადიდებლური ეკლესიის კუთვნილება ჩვენს საზოგადოებაში, მედიის ხელშწყობით უკვე სახიფათოა ადამიანისთვის. ყველგან მიმდინარეობს ჩვენი ეკლესიის მასშტაბური დევნა, დისკრედიტაცია მედიაში. ჩვენი ეკლესიები, მათ შორის ჩერკასისა და მისი რეგიონის ეკლესიებს, უკანონოდ და ძალისმიერი გზით იტაცებენ“, - თქვა მეუფემ.

მისი თქმით, არა მხოლოდ პირადად ის დგას სასამართლოს წინაშე, არამედ, , „ჩერკასის რეგიონის ყველა მართლმადიდებელი მორწმუნე - უკრაინის მართლმადიდებელი ეკლესიის ჩერკასის ეპარქია“.

ეპისკოპოსმა აღნიშნა, რომ ხელისუფლების წარმომადგენლები ყოველ ნაბიჯზე „ამცირებენ და თელავენ ჩვენი ეკლესიის მორწმუნეების, უკრაინის მოქალაქეების უფლებებს“.

„მათ უშვერი სიტყვებით შეურაცხყოფენ სხვადასხვა რანგის თანამდებობის პირებi. ქალაქის მერები და ადგილობრივი დეპუტატები იღებენ არაკონსტიტუციურ გადაწყვეტილებებს უმე-ის წინააღმდეგ, შეურაცხყოფენ მილიონობით ჩვენს მორწმუნეს. უზენაესი რადა ამზადებს ერთდროულად რამდენიმე კანონპროექტს ჩვენი ეკლესიის საქმიანობის აკრძალვის მიზნით - კონსტიტუციის საწინააღმდეგოდ, საერთაშორისო სამართლებრივი პრინციპების საწინააღმდეგოდ, საღი აზრის საწინააღმდეგოდ, საბოლოოდ უმე და მისი მორწმუნე - მილიონობით უკრაინის მოქალაქე - დღეს გახდა მესამე კლასის ადამიანები, გარიყულები თავიანთ ქვეყანაში, იმ ქვეყანაში, სადაც დაიბადნენ და სადაც ცხოვრობენ. დღეს უკრაინაში, მთელი მსოფლიოს თვალწინ, უმე-ის დევნამ მთლიანად გააქარწყლა და შეურაცხყო კონსტიტუციის 35-ე მუხლი და უკრაინის სისხლის სამართლის კოდექსის 161-ე მუხლი. ამავდროულად, პროკურატურა და SBU ახლა მთელი სერიოზულობით ადანაშაულებენ დევნილი ეკლესიის წარმომადგენლებს, მათ შორის მე, 161-ე მუხლის დარღვევაში. შეურყეველი ლოგიკური აზროვნების მქონე ადამიანებში ამან შეიძლება გამოიწვიოს მხოლოდ კოგნიტური დისონანსი. ასეთი შემეცნებითი დისონანსი ხდება ადამიანებში მთელს მსოფლიოში“, - ამბობს მიტროპოლიტი ფეოდოსი.

მისი აზრით, „ეს პროცესი, სავარაუდოდ, მაგალიტი იქნება, რადგან ის უკვე იწვევს ფართო საზოგადოების პროტესტს როგორც უკრაინაში, ასევე მის ფარგლებს გარეთ. ასევე, ეს პროცესი შეიძლება გახდეს პრეცედენტი თანამედროვე უკრაინული მართლმსაჯულებისთვის. მაგრამ რა თქმა უნდა, ეს გახდება ჩვენი სამართლიანობის მიუკერძოებლობისა და სამართლიანობის კიდევ ერთი სერიოზული გამოცდა“.

მიტროპოლიტმა ხაზგასმით აღნიშნა, რომ სისხლის სამართლის საქმის ინიციატორებს სურთ მისი გასამართლება "არა კონკრეტული უკანონო ქმედებებისთვის".

„მათ სურთ ხელი შეუშალონ და საჯაროდ დაგმონ ჩემი, როგორც ეკლესიის იერარქის პოზიცია“, - დარწმუნებულია მეუფე. „სისხლის სამართლის პროცესის ინიციატორებს უნდათ, რომ მე, როგორც მართლმადიდებელ ეპისკოპოსი და როგორც უკრაინის მოქალაქე, გავჩუმდე და არაფერი ვთქვა. რათა ეკლესიის სხვა მორწმუნეებისთვის გავხდე მაგალითი და ისინიც გაჩუმდნენ. იდეალურ შემთხვევაში, მთელი ეკლესია გაჩუმდეს. მათ სურთ დაგმონ არა მხოლოდ ჩვენი პოზიცია, ჩვენი განცხადებები, არამედ ჩვენი აზრებიც. სისხლის სამართლის პროცესის ბენეფიციარების მიზანია დაგმონ ჩვენი სამოქალაქო დამოკიდებულება იმის მიმართ, რაც ახლა ხდება უკრაინული საზოგადოების რელიგიურ სფეროში. დაგმონ არა მარტო ჩემი განსხვავებული აზრი, არამედ მილიონობით ადამიანის, უკრაინის მოქალაქეების, უპირველეს ყოვლისა, მათი, ვინც უკრაინის მართლმადიდებლური ეკლესიის ერთგული არიან.”

როგორც მჟკ წერდა, ჩერკასის სოსნოვსკის რაიონულმა სასამართლომ გამართა პირველი სხდომა, რომელიც მიეძღვნა მიტროპოლიტ ფეოდოსის წინააღმდეგ საქმის არსებითად განხილვას.