ნოვინსკი: ლავრის მიტაცება ფანარიონის ინტერესებშია

უმე-ს პროტოდიაკონი ვადიმ ნოვინსკი. ფოტო: pravda.com.ua

ყოფილმა სახალხო დეპუტატმა და უმე-ს პროტოდიაკონმა ვადიმ ნოვინსკიმ განაცხადა, რომ პატრიარქი ბართლომე სრულ პასუხიმგებლობას იღებს კიევ-პეჩერის ლავრის მიტაცებაზე და უკრაინაში კანონიკური მართლმადიდებლობის დევნისთვის. ამის  შესახებ მან თავის Facebook გვერდზე დაწერა უნეტარესი მიტროპოლიტ ონოფრეს ინტრონიზაციის დღეს.

მისი სიტყვებით, მონასტრის მიტაცება - „სულიერ დამოუკიდებლობაზე“ ზრუნვა კი არ არის, არამედ ფანარიონის მცდელობა, რომ მთელი რიგი ძველი სატაძრო კომპლექსი უკრაინაში სტავროპიგიას მიაკუთვნოს.

ნოვინსკიმ აღნიშნა, რომ ხელისუფლების მხრიდან უმე-ზე თავდასხმა პოლიტიკური აქტია, რომელიც უკრაინის კონსტიტუციას არღვევს.

„სწორედ ისინი (ფანარიონი - რედ.) პროვოცრებენ ქმედებებს, რომლებიც იწვევენ არეულობას და განხეთქილებას. უმე-ს სამღვდელოების დევნა ეს ნაციონალური უსაფრთხოების გაძლიერება კი არ არის, არამედ მართლმადიდებლობის ნგრევის, მღვდლებისა და ერის დაშინების მცდელობა. ეს „სულიერი დამოუკიდებლობის“ შექმნა კი არ არის, არამედ ქრისტესგან დამოუკიდებლობის შექმნა და ამქვეყნიური მმართველების თაყვანისცემა და ამქვეყნიური ვნებების დაკმაყოფილებაა“ - თქვა მან.

ყოფილმა სახალხო დეპუტატმა დანანებით აღნიშნა, რომ სწორედ სასტიკი ომისა და მასშტაბური საგარეო აგრესიის დროს გაჩაღდა მასიური კამპანია უმე-ს წინააღმდეგ.

მან გაიხსენა, რომ გამოგონილი საბაბებით უმე-ს იერარქთა დაპატიმრებებმა  ზოგიერთი მღვდელმთავრის ინსულტები და ინფარქტები გამოიწვიეს.

„ხელისუფლების მხრიდან დამცინავი  ქმედებების შედეგად მეუფე პავლე ინფარქტით საავადმყოფოს პალატაში მოხვდა. <...> დევნამ ბანჩენის მიტროპოლიტი ლონგინოზი, რომელიც ცნობილია თავისი ქველმოქმედებით და პედაგოგიური მოღვაწეობით, ინსულტამდე მიიყვანა. მეუფე ლონგინოზმა ასობით ბავშვი იშვილა და მათთვის მეორე მამა გახდა, ზრუნავდა მათთვის ისე, როგორც საკუთარ შვილებზე“, - აღნიშნა მან.

„ეჭვი არ მეპარება, რომ ჩვენი წინამძღოლის პოზიციის და რაც მთავარია მისი ლოცვის წყალობით ჩვენ გავუმკლავდებით ჩვენზე დაშვებულ ყველა გამსაცდელსა და დევნას. ღვთის ეკლესია არა მარტო გაუძლებს მათ, არამედ გაძლიერდება. უკრაინა არა მარტო უკგაუძლებს, არამედ აღორძინდება“, - წერდა პროტოდიაკონი.

როგორც მჟკ იუწყებოდა, პოლიტოლოგმა განაცხადა, რომ ლავრაში ხელისუფლების ქმედებები ძლიერ ვნებს ქვეყანას როგორც საზოგადოების შიგნით, ასევე  აზიანებს უკრაინის იმიჯს საზღვარგარეთ.