ეკლესია წმინდა წინასწარმეტყველ ელიას ხსენების დღეს აღნიშნავს

წმინდა წინასწარმეტყველი ელია. ფოტო: Википедия

წმიდა წინასწარმეტყველი ელია დაიბადა გალილეის ქალაქ თეზბაში, ლევის ტომში, უფალი იესო ქრისტეს სამყაროში მოსვლამდე 900 წლით ადრე.

წმიდა ელიამ ბავშვობიდანვე თავი მიუძღვნა ღვთისმსახურებას, უდაბნოში დასახლდა და მკაცრ მარხვასა და ლოცვაში ატარებდა დღეებს.

მომწიფების შემდეგ მას თავად ღმერთმა მოუწოდა წინასწარმეტყველურ მსახურებაზე და ასევე ისრაელი ხალხისთვის უნდა შეეხსენებინა ღვთისმოსაობისა და ჭეშმარიტი ღმერთისადმი რწმენის შენარჩუნების აუცილებლობის შესახებ.

წმინდა ელია ცდილობდა რა ხალხში გაეღვიძებინა ღვთის რწმენა, რომლებიც ხშირად, კერპთაყვანისცემისა და სხვა ურწმუნო საქმეების ცოდვაში ვარდებოდნენ, მრავალი სასწაულით განდიდდა უფლისადმი ლოცვით.

წმინდა ელიას სიტყვით ღმერთმა დასაჯა ისრაელიანები. სამი წელი არ მოსულა წვიმა, გვალვა და შიმშილი მძვინვარებდა მთელ ქვეყანაში. ასე გაგრძელდა მანამ, სანამ ისრაელის მეფე ახაბმა არ უარყო კერპთაყვანისცემა.

ასევე, წმიდა ელია დაეხმარა ერთ ღარიბ ქვრივს სიდონის ქალაქ ცარფათში. წინასწარმეტყველი მივიდა ქვრივი ქალის ქოხში პურის და წყლის სათხოვნელად. ქალი ისედაც ღარიბულად ცხოვრობდა, სულ მცირეოდენი ფქვილი ჰქონდა დარჩენილი, წმინდა ელიას ლოცვით, შიმშილობის მთელი პერიოდის განმავლობაში ქვრივის სახლში ზეთი და ფქვილი არ გამოლეულა. გარდა ამისა ელიას ლოცვა შეისმინა ღმერთმა და ქვრივი ქალის გარდაცვლილ შვილს სიცოცხლე დაუბრუნა.

წმინდა წინასწარმეტყველის კიდევ ერთი სასწაული იყო მისი გამარჯვება წარმართული ღმერთის ბაალის ქურუმებზე, რომლებსაც ასევე თაყვანს სცემდა მეფე ახაბის ცოლი იზებელი. კარმელის მთაზე ააგეს ორი სამსხვერპლო - ერთი - ბაალის მღვდლებისგან, მეორე - ელია წინასწარმეტყველისგან ჭეშმარიტი ღმერთის მსახურების მიზნით.

„რომელ მათგანზეც დაეცემა ზეციდან ცეცხლი, ეს იმის მანიშნებელია, თუ ვისი ღმერთია ჭეშმარიტი და ყველას მოუწევს თაყვანისცემა მის წინაშე, ხოლო ვინც მას არ ცნობს, მოკვდება“, - თქვა წმიდა ელია.

ბაალის წინასწარმეტყველებმა მოზვერი შეშაზე შემოდეს და ყვირილი იწყეს: ”ხმა გაგვეც, ბაალ!” თითქმის მთელი დღე ყვიროდნენ ისინი გონების დაკარგვამდე, მაგრამ პასუხი არ იყო. შემდეგ წმინდა ელიამ ილოცა ღმერთის სამსხვერპლოსთან, უფალმა შეისმინა თავისი წინასწარმეტყველის ლოცვა და ცეცხლი გამოუგზავნა ციდან, დაწვა მსხვერპლი, შეშა და თვით ქვებიც კი ირგვლივ.

მიწიერი მსახურების დასასრულს, თავად ღვთის ბრძანებით, წინასწარმეტყველი ელია ცეცხლოვანი ეტლებით იქნა აღტაცებული ზეცად.

ეკლესიის სწავლებით, იგი მეორედ მოსვლის წინ ანტიქრისტეს სამხილებლად ენოქთან ერთად უნდა მოვიდეს და ხორციელი სიკვდილიც დაითმინოს.

როგორც მჟკ იტყობინება, 28 ივლისს ეკლესიამ აღნიშნა უკრაინის სახელმწიფოს ერთ-ერთი დიდი მმართველის - წმიდა დიდგვაროვანი თავადი ვლადიმირის ხსენების დღე, წმინდა ცხოვრებაში - ვასილი.