სახალხო დეპუტატი, რომელიც დუმენკომ ორდენებით დააჯილდოვა, ქრთამის აღებაზე დაიჭირეს

ლუდმილა მარჩენკო მორიგ ჯილდოს იღებს ეპიფანე დუმენკოსგან. ფოტო: pomisna.info

2023 წლის 11 ივლისს სპეციალიზებულმა ანტიკორუფციულმა პროკურატურამ და უკრაინის ეროვნულმა ანტიკორუფციულმა ბიურომ ქრთამის აღებაში ეჭვმიტანილად სცნეს უზენაესი რადას დეპუტატი პარტიიდან ,,ხალხის მსახური’’ ლუდმილა მარჩენკო და მისი თანაშემწე. ამის შესახებ სპეციალიზებული ანტიკორუფციული პროკურატურის და უკრაინის ნაციონალური ანტიკორუფციური ბიუროს პრესსამსახური იტყობინება. სახალხო დეპუტატის ვინაობას არ ასახელებენ, თუმცა მედია ირწმუნება, რომ საუბარია მარჩენკოზე, რომელიც ცნობილია მეუ-ს ხელმძღვანელობასთან აქტიური თანამშრომლობითა და ეპიფანე დუმენკოსგან არაერთი ჯილდოს მიღებით.

გამოძიების ინფორმაციით, დეპუტატმა სამხედრო გაწვევის მამაკაცის საზღვარგარეთ უკანონო გამგზავრების ორგანიზებისთვის ქრთამი 5 300 აშშ დოლარის ოდენობით მიიღო. იგი შეუთანხმდა კიევის რეგიონალური სამხედრო ადმინისტრაციის ჩინოვნიკებს საზღვარგარეთ გამგზავრების ნებართვის მოპოვებაზე და შესაბამისი ინფორმაციის «Шлях»-ის საინფორმაციო სისტემაში შეტანის თაობაზე. მამაკაცი რეგისტრირებული იყო როგორც მოხალისე მძღოლი, რომელსაც გადაჰქონდა ჰუმანიტარული ტვირთი.

მარჩენკოს და მის თანაშემწეს დანაშაულის ჩადენაში ბრალი უკანონო სარგებლის მეორე ნაწილის - 2800 დოლარის მიღების შემდეგ წაუყენეს.

უეაბ-ს და საპ-ის მიერ გამოქვეყნებულ ვიდეოში ჩანს, თუ როგორ იღებს 5 ივლისს თანაშემწე ფულს და შემდეგ გადასცემს მარჩენკოს სახალხო დეპუტატის სასახლის ვერანდაზე. სანამ უეაბ-ს დეტექტივები შევიდოდნენ შენობაში, დეპუტატი ცდილობდა ქრთამის მოშორებას - მან ბანკნოტების დამალვა დაიწყო ეზოში, შემდეგ კი, გადაიფიქრა, ღობიდან გადააგდო.

საპ-მა მარჩენკოსა და მისი თანამზრახველის ქმედებები დააკვალიფიცირა. სისხლის სამართლის კოდექსის 369-მუხლის მე-2 ნაწილის მიხედვით (გავლენის ბოროტად გამოყენება, გადაწყვეტილების მიღებაზე ზეგავლენის მოხდენის მიზნით უკანონო სარგებლის მიღება სახელმწიფო ან ადგილობრივი ხელისუფლების ფუნქციების შესრულებაზე უფლებამოსილი პირის მიერ). მუხლის სანქცია ითვალისწინებს მოქალაქეთა ჯარიმას 2-დან 5,5 ათასამდე დაუბეგრავი მინიმალური შემოსავლით ან თავისუფლების აღკვეთით 2-დან 5 წლამდე ვადით.

მოლაპარაკებების გამოქვეყნებული ჩანაწერები და სახალხო დეპუტატისა და მისი თანაშემწის მიმოწერა მიუთითებს, რომ ეს საქმე არ იყო იზოლირებული, წვევამდელების საზღვარგარეთ გამგზავრების ორგანიზების სქემაში ჩართული იყვნენ სხვადასხვა სტრუქტურის ჩინოვნიკები, მათ შორის სამხარეო და რაიონული ადმინისტრაციების ჩინოვნიკები და სახელმწიფო სასაზღვრო სამსახურის წარმომადგენლები.

მანამდე ლუდმილა მარჩენკომ რამდენიმე ჯილდო მიიღო მეუ-ს ხელმძღვანელისგან. კერძოდ, 2020 წლის ოქტომბერში „არქიეპისკოპოსმა“ ნესტორ პისიკმა მას წმინდა მოციქულთა პრინცესა ოლგას სახელობის ორდენი გადასცა. დაჯილდოების წერილში, რომელსაც ხელს აწერს ეპიფანე დუმენკო, აღნიშნულია, რომ ორდენი გადაეცა  „ადგილობრივი ეკლესიისთვის“ გაწეული „უანგარო შრომისთვის“. 2021 წლის ივნისში ეპიფანემ მარჩენკო დააჯილდოვა წმინდა ნიკოლოზ საკვირველმოქმედის ორდენით, ხოლო იმავე წლის დეკემბერში, მეუ-ს პრესსამსახურის ცნობით, მან კვლავ „დააჯილდოვა“ დეპუტატი „მაღალი საეკლესიო ჯილდოთი“.

როგორც მჟკ იტყობინება, 2023 წლის 26 ივნისს, უეაბ-მ ქრთამის მიღების შემდეგ დააკავა ტერნოპოლის რეგიონალური საბჭოს ხელმძღვანელი, მიხაილ გოლოვკო, რომელიც უმე-ს პოჩაევის ლავრიდან გაძევებას და მის "უკრაინის ეკლესიაში" დაბრუნებას პირდებოდა.